ھێنریک لارسونی یاریکەرەکێ کورد دڤێت
ئەڤرۆ نیوز، ھەژار مەعروف:
یاریکەرێ کورد یانا ئەنگلھولمز یا سویدی پشتی ل وەرزێ ئەڤ سالە شیای ئاستەکێ بلند ل گەل تیما خوە دخولا پلا ئێک یا سوید دا پێشکێش بکەت بووی یە جھێ گرنگیا چەندین یانێن بەرنیاس ل سەر ئاستێ سوید.
ھەرسێ یانێن نورشبینگ ھەلگرا ناسناڤێ خولا سوید یا ئەڤ سالە ئەوا بریارە سالەکا دی د قارەمانیا یانێن خولا یێن ئورۆپا پشکداری بکەت و یانا ھیلینسبورگ ئەوا یاریکەرێ بەرنیاس یێ ھەلبژارتیێ سوید و یانا بەرشەلۆنا یێ بەری نوکە ھێنریک لارسۆن سەرپەرشتیا وێ یانێ کەت وەکو راھێنەر کو وی ژ دەستەیا کارگێریا یانێ کری یە ھەڤبەست ل گەل ریبین ئەسعد ئیمزابکەن و یانا سێ یا یاپتەختی سوید یورگاردین.
ل دۆر ئەڤان ھەڤبەستا ژێدەرەکێ نێزیک ژ یاریکەرێ کورد ریبین ئەسعد بۆ مالپەرێ ئەڤرۆ نیوز دیارکر ھەتانوکە بەرسف ل سەر ئەڤان ھەڤبەستا نە ھاتیە دانێ لێ پتر رێبین نێزیکی ئیمزاکرنا ھەڤبەستا ھیلینسبورگ کە ژبەرکو راھێنەرێ وێ تیمێ ھێنریک لارسونە و وی داخوازی ژ یاریکەری کری یە ھەڤبەست ل گەل ڤێ یانێ ئیمزابکەت و دێ ل ڤێ یانێ پتر دەلیڤەیا کرنا یاریێ ھەبیت.
ھەژی گوتنێ یە رێبین ئەسعد خەلکێ باژێرێ ھەولێرێ یە نوکە یاریێ ل ھەلبژارتیێ ئولومپی عیراقێ کەت و وەرزێ ئەڤ سالە ل گەل یانا خوە دخولا پلا ئێک یا سوید دا د بوو وەرزێ وی یێ ئێکێ پشکداریێ کەت.
