ھەتا کەنگی بەرشەلونا دێ قومارێ ب میسی کەت؟
ب، مللەت جەمال:
د چەندین حەفتیێن بوری دا یانا بەرشەلونا جەنگەکێ خیناوی کر و بڤێ چەندێ ژی ھزرو و بیرێن بەرپرسێن وێ ھاتنە ژناڤبرن دناڤبەرا دو ھەلبژارتنا یانا پاراستنا شێوازێ تیکی تاکا، یان ھزرێن گوھورین و نیکرنا شێوازێ یاریا تیمێ.
شێوازێ پاراستنا تەپێ ئەوێ کرویفی داھێنان کری و ب تەمامی و بێ کێماسی گواردیولای جێبەجێکری ب دلێ لویس ئینریکی نینە و دبینیت کو شێوازەکە ھەمی لسەر شارەزا بوینە.
رۆژناما مارکا یا مەدریدی بەلاڤکریە کو راھێنەرێ بەرشەلونا حەزا گوھورینا شێوازێ یاریا تیمێ ھەیە و دبینیت کو ھەمی تیم ل سەر وی شێوازی شارەزا بوینە و خوە کەسەکێ کورە بیت ئێدی تیکی تاکا یا گواردیولای دزانیت.
ئێنریکی ھەمان ھەلویستێ تاتا مارتینوی ھەیە کو وی ژی حەزا گوھورنێ د شێوازێ یاریێ دا ھەبوو، لێ نە شیا ب سەرکەڤیت.
مارکا ئەوا ناسیار ب لایەنگریا ریال مەدرید ل گەل بوچوونا ئێنرکیی یە بو گوھورینێ، چونکو تیم وەکی بەرێ ناھێتە دیتن دەمێ گواردیولا راھێنەر، لێ دھەمان دەم دا ئێنریکی وەکی ھەڤ پیشێ خوە یێ بەرێ تاتای دبینیت کو پێدڤیە میسی یێ ئازاد بیت د یاریگەھێ دا و چ ئەرک پێنە ھێنە راسپاردن و میسی دیارکریە کو دشێت تیمێ راگریت و باشترین گروڤە بو گوتنا وی یاریا بەرامبەر ئەیاکس ئەمستردام بوو د چامپیونز لیگ دا.
ئەرێ یا رەوایە کو بەرشەلونا قومارێ ب میسی بکەت و پشتبەستنێ بتنێ لسەر وی بکەت کو نوکە گەھشتیە بھارا خوە یا ٢٧ و نەشێت ھەمیا لسەر پشتا خوە راگەت و ئەڤ چەندە ھاتە پشتراست کرن د گێمێ دویێ دا بەرامبەر ئەلمیریا دا، لەورا چارەسەریا ئێکانە ئەوە ئێنریکی خوە دیرکەت ژ قومارکرنێ لسەر میسی بتنێ و دانانا وی ھەمی دەما ل پێشیا ھەمی یاریکەرێن دی سەرەرای ھێزا وی یا لەشی و جەستەیی کو مەزن بوویە ؟
بەرسڤ نیڤا دویێ یا یاریا ئەلمیریا یە کو پێدڤیە ئێنرکیی گرنگیا ھەبوونا ھەر دو ستێرێن خوە سوارێز نیماری بزانیت و ئێدی تیمێ نەکەتە ڤەشارگەھا مشکا و پێدڤیە لسەر پێکھاتەکی راوەستیت ھەر وەکی ھەڤکیفێ خوە راھێنەرێ ریال کارلو ئەنشیلوتی.
