ھەرێما کوردستانێ بویە ئێک ژ ٣٦ وەلاتێن سەرنجراکێش ل جیھانێ
ئەڤرو نیوز :
کومپانیەکا گەشتیاری کو گەشتیاران بو ھەموو جھانێ دبەت ، ناڤێ ھەرێما کوردستانێ دناڤ لیستا ٣٦ وەلاتێن جیھانێ تومارکر کو دھێنە ھژمارتن وەلاتێن سەرنجراکێش بو گەشتیاران و سرۆشتەکێ جوان ھەیە.
لوپێن تراڤل ئەو کومپانیا جیھانی یە کو گەشتیاران بو ھەموو جیھانێ دبەت و بارگایێ سەرەکیێ وێ دکەڤیتە بەریتانیا لیستەک بناڤێ سەرنجراکێشترین وەلاتێن جیھانێ ژ روویێ گەشتیاری ڤە بەلاڤکر و تێدا ناڤی َھەرێما کوردستانێ ھەیە.
کومپانیا ناڤھاتی دمالپەرێ خوەیێ فەرمی دا ئەو لیستە بەلاڤکریە و تێدا دیاردکەت کو گەشتا وان یا ڤێجارێ دێ بو ھەرێما کوردستانێ بیت و ماوەیێ حەفتیەکێ ژی بەردەوام بیت ب تایبەتی بو دەڤەرا رەواندوز و سوران ، و تێدا بەحس ل قەلا ھەولێر و ئەمنا سورا سلێمانیێ و دیسان بەحس ل دەڤەرێن چیایی و جاددەیێن چیایی دکەت.
