ھەرێما کوردستانێ دێ پشکداریێ د کۆنفڕانسێ پاریس دا کەت
ئەڤرۆ نیۆز، قائید میرۆ:
شاندەکێ حوکمەتا ھەرێما کوردستانێ دێ سەرەدانا پاریس بکەت، ئەوژی ب مەرەما پشکداریکرنێ د کۆنفڕانسێ پاراستنا ژینگەھێ یاکۆ بڕیارە سبە بھێتە دەستپێکرن.
لوقمان شێروانی، پەیڤدارێ دەستەیا ژینگەھا ھەرێما کوردستانێ ب ئەڤرۆ نیۆز راگەھاند” بڕیارە شاندەکێ ھەرێما کوردستانێ پشکداریێ د کۆنفڕانسێ ژینگەھێ ل پاریسا پایتەختێ فەڕەنسا بکەت و بەریا نوکەژی نوونەرێن وەلاتێن بیانی لدۆر ھەڤکاریا ھەرێمێ د بیاڤێ ژینگەھێ ھاتینە ئاگەھدارکرن.
شێروانی گۆتژی” ئەف شاند ل چەند رۆژێن داھاتی دێ دەست ب سەرەدانا خوە بکەت و بڕیارە داخوازا گوژمەکێ پارەی بکەت ل ئەڤان ٢٠٠ ملیار دۆلارێن بۆ پاراستن و چێکرنا ژینگەھێ ھاتینە دیارکرن ژلایێ وەلاتێن جیھانێ.
