ھەرێمێ رادەستکرنا دەرگه‌هێن سنوری ره‌تكر
ئەڤرۆ نیوز، نەوزاد ھلۆری:
دوھی چەند کەنالێن بیانی چەند ژێدەرەکێن نێزیک ژ حەیدەر عەبادی سەروک وەزیرێن عیراقێ راگەھاندبو کو حوکمەتا ھەرێمی کوردستانێ رازی بوویە کو دەرگه‌هێن سنووریێن ھەرێما کوردستانێ رادەستی عیراقێ بکەت، بەلێ حوکمەتا ھەرێما کوردستانێ ئەڤ یەک رەتکر و دیارکر کو ئەوان بتنێ پێشنیارا ب رێڤەبرنا ھەڤپشکی کریە.
سەفین دزەی ئاخفتنکەرێ حوکمەتا ھەرێما کوردستانێ زێدەباری رەتکرنا ئەڤی نوچەیی دیارکر ژی کو ب چو شێوەیان د دانوستاندنێن د ناڤبەرا ھەرێم و عیراقێ بەحس ل رادەستکرنا ئێکسەر یا ده‌رگه‌هێن سنووری بو عیراقێ نەھاتینەکرن و گۆت: (ب رێڤەبرنا دەروازێن سنووری دناڤبەرا ھەرێم و بەغدا ھاتیە پیشنیارکرن ، و بەری نھا ژی ئەڤ یەک ھاتیە گوتن ل گەل عیراقێ).
