ھەر قوتابخانەک دێ ڤى كۆژمێ پاره‌ى وه‌رگريت
ئەڤرۆ نیوز:
ب مەرەما گرنگیدان ب قوتابخانێن ھاورێ ل سنوورێ پارێزگەھا دھۆکێ دھی 23-11 کۆمبوونەک ل سەر وی بەرنامێ بۆ قوتابخانێن ھاورێ ژ لایێ پەروەردێ و رێکخراوا یونسێڤ ڤە ھاتیە دانان ھاتە کرن ژ بۆ دابینکرنا داھاتەکی بۆ وان دا کو بشێن چالاکیێن جودا ئەنجام بدەن.
عەبد یوسف، رێڤەبەرێ گشتیێ پەروەردێ ل پارێزگەھا دھۆکێ ئاشکرا کر، ھاورێبوونا قوتابخانان پرۆسەکا گرنگا پەروەردێ یە ل سەرانسەری ھەرێما کوردستانێ و گۆت: “ڤێ پرۆسێ پێدڤی ب وەستیان و بزاڤەکا خورت ھەیە ژ لایێ قوتابخانان ڤە، دا کو بشێن ئەو پیڤەر و بنەمایێن قوتابخانێن ھاورێ ل سەر دھێنە ئاڤاکرن بجە بینن و گۆت: “ھاورێبوونا قوتابخانان گەلەکا گرنگە و دڤێت ھاورێبوون ب ھەموو رامان و کریارێن خوە ڤە د کەتواری دا بھێتە ب جھئینان”.
خویا ژی کر، رێکخراوا یۆنێسێڤ ھەڤکاریەکا باش و بەردەوام یا کەرتێ پەروەردێ کریە نەخاسمە یا قوتابخانێن ھاورێ و گۆت: “یۆنێسێڤ ھەر قوتابخانەکا ھاورێ چار ھزار و 950 دۆلاران ددەتێ و پشکەک ژ وی پارەی بۆ سەخبێریکرنا قوتابخانێ و یێ دی بۆ ئەنجام دانا چالاکیان دھێتە تەرخانکرن”.
ل سەرانسەری پارێزگەھا دھۆکێ 74 قوتابخانێن ھاورێ ھەنە و پتریا کارگێری و مامستایێن وان قوتابخانان خول ل سەر بەرنامێ قوتابخانێن ھاورێ وەرگرتینە.