ھەلویستێ ئەمریکا ل دۆر منبجێ جھێ گومانێ یە
ئەڤرۆ نيوز:
بەرپرسەکێ ھێزێن سووریا دیموکراتیک بۆ ئاژانسا فرانس پرێس راگەھاند کو بەرپرسێن ئەمریکی ل دۆر رێککەڤتنا منبجێ یا ل گەل تورکیا تشتەکێ بۆ مە دبێژن و ب کریاری ژی ھندەک تشتێن جودا دکەن و براستی ژی ھەلویستێ وان جھێ گومانێ یە، چونکو ھەتا نھا ژی ئەم نزانین کو رێککەفتنا ئەمریکا و تورکیا ل دۆر منبجێ چیە و بۆ ئاشکرا نەکرینە و مە چو پێزانین ل دۆر ھندێ نینن.
ھەمان بەرپرسێ ھێزێن سووریا دیموکراتیک ئەو یەک ژی دیار کر کو دو رۆژن ل منبجێ ھەڤدیتن و د ناڤبەرا شاندێن ئەمریکی و تورکی برێڤە دچن و ل گۆر پێزانینێن مە ئەمریکا و تورکیا دخوازن پێکڤە چارەنڤیسێ منبجێ دیار بکەن، لێ بەری نھا بەرپرسێن ئەمریکی بۆ مە دیار کربوون کو ئەو ناھێلن ب چو رەنگەکێ سەربازێن تورکیا بھێنە د ناڤ منبجێ دا، لێ نھا ھندەک تشتێن جودا دەردکەڤن و براستی ژی ھەلویستێ ئەمریکا بۆ مە جھێ گومانێ یە و ھەکە رەوش وەسا بەردەوام بکەت دێ ئالۆزیێن نوو ل منبجێ دروست بن.
