ھەلویستێ فەرمیێ ئەمریکا ل دور ھێرشا ل سەر PKKێ
ئه‌ڤرۆ نيوز، ڤه‌گێر:
ھاریکارێ وەزیرێ دەرڤە یێ ئەمریکا برێت ماکگورک د تورا کومەلایەتی یا تویتەری دا، ھەلویستێ ئەمریکا سەبارەت پۆپبارانا فرۆکێن شەرکەرێن تورکیا بۆ سەر بارەگەھێن PKKێ ل باشوورێ کوردستانێ راگەھاند.
ماکگورک دبێژیت “ئەم (ئەمریکا) کارێن تیروریستی یێن PKKێ ب دژواری شەرمزار دکەین و ئەم بتمامی رێزێ ل ھەڤپەیمانا خو (تورکیا) دگرین د مافێ وێ یێ خو پاراستنێ دا.”
ھاریکارێ وەزیرێ دەرڤە یێ ئەمریکا د تویتەکا دی دا دبێژیت: چو پەیوەندی د ناڤبەرا لێدانا PKKێ ژلایێ فرۆکێن جەنگی ڤە و لێکتێگەھشتنا ئەمریکا و تورکیا بۆ ھاریکاریا زێدەتر ل دژی داعشێ دا نینە.
ماکگورک داخوازێ ژ ھەر دو ئالیان (تورکیا و PKK)ێ دکەت کو پێگیریێ ب پرۆسەیا چارەسەریا ئاشتیانە بکەن بۆ چارەسەریەکا عادل و بەردەوام.