ھەموو بنگەھێن دەنگدانێ ل ھەرێما کوردستانێ ھاتنەگرتن
ئەڤرۆ نیوز ، ھلوری:
کومسیوونا بلند یا سەربخوەی یا ھەلبژاردن و راپرسیێ دیارکر کو پرۆسەیا دەنگدان بو ریفراندۆما سەربخوەی یا کوردستانێ ل ھەموو پارێزگەھێن ھەرێما کوردستان و دەڤەرێن كوردستانى يێن ده‌رڤه‌ى ئيدارا هه‌رێمێ ب دووماهى ھات و ھەموو بنگەهـ ھاتنەگرتن.
ئه‌ڤه د ده‌مه‌كى دايه كو ل هه‌له‌بچه رێژا ده‌نگدانێ گه‌له‌ك يا كێمه و دبيت ب زوورى بگه‌هيته رێژا 50 بۆ 51%ێ، د ده‌مه‌كى دا دهێته پێشبينيكرن كو رێژا ده‌نگدانێ بگه‌هيته 80%ێ، ل كه‌ركووك ژى بۆ 83% دهێته خه‌ملاندن.
ژماره‌كا زۆر يا كه‌سان كێشه ل گه‌ل ناڤان هه‌بوو ب تايبه‌ت ل پارێزگه‌ها دهۆكێ و ل بنگه‌هێن دانگدانێ يێن تايبه‌ت ب ئاواران ڤه و بوو ئه‌گه‌رێ وێ چه‌ندێ كو ب هزارا كه‌س بهێنه بێ به‌هر كرن ژ ئه‌گه‌رێ كێشه‌يێن تۆمارێن ده‌نگدانێ و نه‌بوونا كارمه‌ندێن پێدڤى كو ڤێ پرۆسێ ب له‌ز ب رێڤه ببه‌ن.