ھەوا نەھێلا توندوتیژیێ ل دژی ئافرەتان ل پارێزگەھا دھۆکێ ھاتە راگەھاندن
ئەڤرۆ نیوز، ھلۆری:
ئەڤرو ل رێڤەبەریا نەھێلا توندوتیژیێ ل پارێزگەھا دھوکێ ب بەرھەڤبوونا جێگرێ پارێزگەرێ دھوکێ سەروکێ دادگەھا تێھەلچونا دھوکێ وچەند رێڤەبەرێن فەرمانگەھێن میری ورێکخراوێن نەتەوێن ئێکگرتی ولایەنێن پەیوەندیدار رێ ورسمێن راگەھاندنا ھەوا نەھێلا توندوتیژیێ ل دژی ئافرەتان ل ژێر دوریشمێ پێکڤە بو کوردستانەکا بێ توند وتیژی ھاتنە گێران.
مقدم ئارام محەمەد سەعید رێڤەبەرێ فەرمانگەھا توندوتیژیێ دیارکر کو ل ژێر درۆشمێ پێکڤە بو کوردستانەکا بێ توند وتیژی ئەو دێ چەند چالاکیەکان ئەنامدەن و گۆت: ( ھەڤا توندوتیژیێ دژی ژنان دێ 16روژا یا بەردەوام بیت و گەلەک چالاکیێن جورا وجور ل سەرانسەری پارێزگەھێ دێ ھێنە ئەنجامدان بو وێ یەکێ ھشیاریا نەھێلانا توندوتیژیێ ل ناڤ ھەموو تەخێن جڤاکی بھێتە بەلافکرن )
ژلایەکێ دن ڤە گێترود موبیرو نوینەرا گروپێ GBV دیارکر کو ئەوان ھەوا نەھێلانا توندوتیژیێ ژی ئافرەتان لرۆژا 25-11 ل سەر ئاستێ نەتەوێن ئێکگرتی و جیھانێ دەست پێکریە و 16روژا دێ بەردەوام بیت و گۆت: ( ئارمانج ئەڤان چالاکی و ھەوا نەھێلانا توندوتیژیێ ئەوە کو جیھانەکا بێ توندوتیژی بھێتە ئاڤاکرن ودخوازین کو ئەڤ بەرنامە ل کوردستانێ ژی بھێتە چەسپاندن و پشتەڤانیا نەتەوێن ئێکگرتی ژی بو بەرنامێ ھەوا نەھێلانا توندوتیژیێ ژی رادگەھینین)
ھەر د چارچوڤێ راگەھاندنا ھەوا نەھێلانا توندوتیژیێ دژی ئافرەتان بەھزاد ئادەم جێگرێ پارێزگەرێ دھوکێ دپەیڤەکێدا بناڤێ پارێزگەرێ دھوکێ وکارگێریا پارێزگەھێ دەست خوشی ل رێڤەبریا توند وتیژیێ و ھەموو لایەنان کر یێن بوینە ھاریکار بو بەرھەڤکرنا بەرنامێ نەھێلانا توند وتیژیێ و گۆت: ( ئەڤ چلالاکیە ل سەر ئاستێ نەتەوێن ئێکگرتی ژی دھێتە ئەنجامدان و 16روژا ڤەدکێشیت و چەندین چالاکیێن ھشیاریا نەھێلانا توند وتیژیێ ل دژی ئافرەتان دێ ل دھوکێ دھێنە ئەنجامدان ، و د وان رودانێن کو 16 ئوکتوبەرێ ئەوێن ل کەرکوک ودوزخورماتوو ھاتینە ئەنجامدان ئافرەت وزاروک ژ ھەموو کەسێن دن پتر زەرەرمەندبون وبەریا وان رودانێن ئەنفالا وجیوناسیدا شنگال وکارەستانێن دی ئافرەت وازاروک ژ ھەموویان پتر زەرەرمەندبوینە )
زێدەتر گۆت: ( حکومەتا کوردستانێ پلانەکا ستراتیجی ھەیە بو ھشیاریا نەھێلانا توند وتیژیێ ل دژی ئافرەتان ول سەر ئاستێ پارێزگەھێ (10) نڤێسینگەە وسازیێن نەھێلانا توند وتیژیێ ھەنە بو وێ یەکێ ھەموو رەنگێن توندوتیژیێ ل دژی ئافرەتان بھێنە راگرتن وگوت ئەڤرو لڤان رێ ورسمان بەرنامێ نەھێلانا توند وتیژیێ ل ژێر دوریشمێ پێکڤە بو کوردستانەکا بێ توند وتیژی رادگەھینین و ھیڤیدارین ھەموو لایەک ھاریکاربیت بو سەرئێخستنا بەرنامی کو ھەتا روژا 10-12-2017دێ بەردەوامبیت)
ل داویا رێورسمێن راگەھاندنا ھەوا نەھێلانا توندوتیژیێ چەند خەلات ل سەر چالاکڤان وسازیێن گرنگیێ ددەن نەھێلانا توندوتیژیێ ھاتنە بەلافکرن .
ل دوماھیێ ژی پێشناگەھا کارێن دەستی ھاتە ڤەکرن.
