ھەولێر: 15 نەخوشێن ته‌لاسیمایێ گیانێ خوە ژ دەستداینە
ئەڤرۆ نیوز، نەوزاد ھلۆری:
کومەلا ته‌لاسیمایێ ل ھەولێر دیارکر کو ئەڤ سالە ل سنۆرێ پارێزگەھا ھەولێرێ 15 کەسان گیانێ خوە ژ دەست داینە. ئەو پێدڤی ب دەرمان و چارەسەریێن زێدەترن. ئەگەرێ سەرەکی یێ مرنا نەخوشێن تالاسیما و زێدەبوونا وان ژی دزڤریت بۆ هه‌ڤركيێن سياسى.
سروە عەلی ئاخفتنکەرا کومەلا ته‌لاسیمایێ ل ھەولێر د کونگرەیەکێ رۆژنامەڤانی دا دیارکر کو ل سنوورێ پارێزگەھا ھەولێر ئەڤ سالە 15 کەسان گیانێ خوە ژ دەستدایە و گۆت ژی: (تووشبوویێن نەخوشیا ته‌لاسیمایێ ل ھەولێر و کوردستانێ ژی د كاودانه‌كێ خراپ دا دژین، ئەڤە زێدەتری سێ ھەیڤایە حوکمەتا عیراقێ چو دەرمان و چارەسەری بر نەخوشێن تالاسیمایێ نە فرێکرینە).
زێدەتر گۆت: (731 نەخوشيێن تالاسیمایێ ھاتینە تۆمارکرن و ئەڤ سالە 37 نەخوشێن دن زێدەبووینە، ئەگەر ژی دزڤریت کو حوکمەتا عیراقێ ژبەر ململانێن سیاسی چو ھاریکاری و چارەسەریێ بو نەخوشێن ته‌لاسیمایێ ره‌وانه ناكه‌ت).
