ھەوەکا مەزن بۆ لێگەریانا تەرمێ گەنجەکی ل زاخۆ دەست پێ کر
ئەڤرۆ نیوز، عەلی حاجی:
پشتی زێدەتری ٤٢ رۆژان مایە دئاڤێ دا و تەرمێ وی نەھاتیە دیتن ، تیمێن نقومڤانێن زاخۆ ب ھەڤکاری دگەل ھژمارەکا کەس و کارێن مێھڤان ئاڤدەل ، دەست ب ھەوەکا مەزن یا لێگەریانا تەرمێ وی کر .
نقومڤان رەعەد زەنون بۆ ئەڤرۆ نیوز دیار کر ئەڤرۆ ل روژا چارشەمبی ٣١/٧/٢٠١٩ ل دەمژمێر ٩ی سپێدێ مە ھەمی تیمێن خوەیێن نقومڤانی ئامادەکرن و دەست ب ھەوەکا مەزن یا لێگەریانێ کری یە، بریارە ب درێژاهیا خابیری ، ھەر ژ سەنتەرێ زاخۆ ھەتا دگەھیتە خالا سنووری یا کوردستان و روژئاڤایێ کوردستانێ دا، بەردەوام بین ل سەر لێگەریانێ ، ئەم ب ھێڤی نە ئەڤرۆ بشێن تەرمێ وی گەنجی ببینن ، ئەم پێشبینی دکەین تەرمێ وی دکوراتیا ئاڤا خابیری دا بیت ، لەورا جودا ژھەمی جارێن دیتر ئەم دێ ل کوراتیا ئاڤێ دا ل تەرمێ مێھڤانی گەریێن .
ناڤھاتی گوت ژی : ئەڤە ئێکەم روودانا خەندقینێ یە کو تەرمێ وی بۆ دەمێ 42 رۆژان مابیتە دناڤ ئاڤا خابیرێ دا.
ناڤهاتی خویا کر کو ئەڤە بۆ دەمێ 42 رۆژانە
بەردەوام تیمێن مە کارێ لێگەریانێ دکەن و ھەمی تیمێن نقومڤانێن پارێزگەھا دھوکێ ژی پشکدار بووینە بەلێ ھەتا نوکە ھیچ کەسەکێ نەشیایە ببینیت.
هەژی گۆتنێ یە کو ل روژا ٢١/٦/٢٠١٩ مێھڤان ئاڤدەل ب مەرەما مەلەڤانیا دناڤ خابیری دا ل نێزیک پرا دەلال دخەندقیت و ھەتا نوکە تەرمێ وی نەھاتیە دیتن .
