ھەڤپەیمانیا نێڤدەولەتی خوە بۆ شەرێ ئازاکرنا مووسل بەرھەڤ دکەت
ئەڤرۆ نيوز:
مەسعود بارزانی سەرۆکێ ھەرێما کوردستانێ دوھی ل سەلاحەدین پێشوازیا جەنەرال ماکفالاند فەرماندێ ھێزێن ھەڤپەیمانیا نێڤدەولەتی بۆ شەرێ دژی داعش ل عیراقێ و سووریا و شاندێ ل گەل دا کر کو پێکھاتبوون ژ جوسن کوھین جێگرێ بالیوزێ ئەمریکا ل عیراقێ و ماتیاس میتمان قونسولێ ئەمریکا ل ھەولێرێ کر.
شاندێ مێھڤان ب کورتی بەحسێ دووماھی گوھۆرینێن مەیدانی یێن شەرێ روو ب روونا داعش و پروسا ئازادکرنا فەلوجە کرن و بەحسێ بەرھەڤیێن ئازادکرنا مووسل کرن و ھەردو ئالی ھەڤرابون ل سەر ل سەر بھێزکرنا ھەماھەنگی و ھاریکاریکرن ژ پێخەمەت ژ ناڤبرنا تیرورێ.
فەرماندێ ھێزێن ھەڤپەیمانیا نێڤدەولەتی بۆ شەرێ دژی داعش ل عیراقێ و سووریا ب گرنگی ڤە بەحسێ ھەماھەنگیا ھێزێن پێشمەرگەی و ھەڤپەیمانان کر بۆ ژناڤبرنا تیرورێ ل دەڤەرێ.
