یاریزانێن عه‌ره‌ب زاخۆ بجه هێلا
ئه‌ڤرۆ نیوز،عه‌لی حاجی:
ژێده‌ره‌كێ تایبه‌ت ژ تیما زاخۆ ئه‌وا پشكدار دخولا نایابا عێراقێ یا ته‌پاپێ دا بۆ ئه‌ڤرۆ نیوز ئاشكه‌را كر ژبه‌ر نه‌دانا پاره‌یێ هه‌ڤبه‌ستا یاریزانێن تیما خوه هه‌می یاریزانێن ب ره‌گه‌ز عه‌ره‌ب دناڤ تیما زاخۆ دا باژێرێ زاخۆ ب جه هێلان و قه‌ستا مالێن خوه كرن .
هه‌ر وی ژێده‌ری چه‌نده ژی گوت : ل دره‌نگیا شه‌ڤا ده‌رباز بویی دا ئه‌و یاریزانێن تیما مه دهوتێلێ دا دمان ب ئێكجار ژ هوتێلێ چونن و قه‌ستا مالێن خوه كرن و ئه‌ڤ چه‌نده ژی به‌ر وێ چه‌ندێ هات كو كارگێریا یانێ هه‌ر جاره‌كێ سوزه‌كێ دده‌ته وان یاریزانان كو دێ پاره‌یێ هه‌ڤبه‌ستا وان ده‌تێ به‌لێ هه‌تا نوكه چو سوزه‌ك ل به‌رامبه‌ر ڤێ چه‌ندێ دا بجه نه‌ئیناینه،هه‌ر دیسان ژبه‌ریا دو روژان راهێنه‌رێ تیمێ عه‌لی هادی ژی رێزێن تیمێ ب جهێلات بوو ژبه‌ر نه‌دانا پاره‌یێ هه‌ڤبه‌ستا وی راهێنه‌ری ژی،به‌لێ ل به‌رامبه‌ر پێدانا كوژمه‌یه‌كێ پاره‌یی ئه‌و راهێنه‌ره رازی ببوو
ڤه‌گه‌ریته‌ڤه بۆ ئه‌ركێ راهێنه‌رایه‌تیا یانا زاخۆ،پشتی وه‌رگرتنا كوژمه‌یه‌كێ پاره‌یی وی راهێنه‌ری بۆ یاریزانان دیار كربوو هه‌ر یاریزانه‌كێ باژێرێ زاخۆ بجه بهێلیت ئه‌و ئێدی یاریزانێ یانا زاخۆ نینه .
ل دوماهیێ گوت ژی : ژبه‌ر ڤێ چه‌ندێ هه‌می یاریزانان باژێرێ زاخۆ بجه هێلان و ئاماده نینن ڤه‌گه‌رنه زاخۆڤه هه‌تا كو پاره‌یێ گرێبه‌ستا خوه دوه‌رگرن و بتنێ هه‌ر دو یاریزانێن پیشه‌كارێن به‌رازیلی و موریتانی ماینه دهوتێلێ ڤه ژبه‌ر كو وان نه‌زانی یه چو بكه‌ن،هه‌تا نوكه پاشه‌روژا وان یاریزانان دیار نینه و ئه‌و تشته‌كێ ژێ نوزانین و هه‌تا نوكه ژی كارگێریا یانێ ل سه‌ر ڤێ چه‌ندێ بێ ده‌نگه .
