یانه‌کا عیراقێ هزر ل هه‌لوه‌شاندنا دو یاریزانێن کورد کریه
ئه‌ڤرۆ نیوز:
پشتی ل ده‌ستپێکا وه‌رزێ ئه‌ڤ ساله یانا نه‌فت یا به‌غدادی هه‌ڤبه‌ستا چار یاریزانێن کورد ئیمزاکری پشتی بورینا شه‌ش یاریان کارگێریا یانێ چه‌ند بریار ل دورخستا چه‌ند یاریزانان داینه کو دو ژ ئه‌وان کورد بوون ئه‌وژی کورێ باژێرێ سێمێلێ زیاد ئه‌حمه‌د و یاریزانێ به‌رێ یانا هه‌ولێر هه‌ردی سیماند.
ژێده‌ره‌کێ نێزیک ژ یانا نه‌فت بۆ ئه‌ڤرۆ نیوز دیارکر هه‌ردی سیماند یانه ئاگادارکریه ئه‌و ل گه‌ل تیمێ نه یێ ئارامه حه‌ز دکه‌ت پێکهاتیێ یانێ ب جهـ بهێلت و یاریزانێ دوێ زیاد ئه‌حمه‌د ژبه‌ر چه‌ند ئه‌گه‌رێن تایبه‌ت ب وی و یانێ ڤه بریاره هه‌ڤبه‌ستا وی ژی بهێته هه‌لوه‌شاندن لێ هه‌تا نوکه کارگێریا یانێ نڤێسینا فه‌رمی ل سه‌ر دورخستنا ئه‌ڤان هه‌ردو یاریزان نه دایه و چاڤه‌رێ دهێته‌کرن ل ماوێ دو هه‌تا سێ روژێن بهێت بریارا فه‌رمی ل سه‌ر بهێته‌دانێ.
ئه‌و ژێده‌رى دیارکر ژی هه‌ردو یاریزان نوکه ڤه‌گه‌ریانه کوردستانێ چاڤه‌رێ به‌رسڤا کارگێریا یانا نه‌فتێ نه.
هه‌ژی گوتنێ یه زیاد ئه‌حمه‌د هه‌ڤبه‌ستا خوه بو وه‌رزێ ئه‌ڤ ساله ل گه‌ل نه‌فت نووکر بوو کو به‌ری نوکه ژی یاری ل یانێن نه‌فت وه‌ست و مینا و دهۆک دخۆلا عیراقێ دا کربوون ژلایه‌کێ دیڤه هه‌ردی سیماند ژ یانا مینا هاتبوو ڤه‌گوهاستن و به‌ری نوکه ل یانێن هه‌ولێر و زاخۆ کریه
