یانێن باكورێ كوردستانێ د حه‌فتیه‌كا نه سه‌ركه‌فتى دا بوون
ئه‌ڤرۆ نیوز، هه‌ژار مه‌عروف:
ژ یاریێن لیگێن توركیا یێن ته‌پا پێ یانێن باكورێ كوردستانێ د یاریێن خوه یێن ئه‌ڤرۆ دا نه سه‌ركه‌فتى بوون كو زوربا یانا وه‌كهه‌ڤ بوون د یاریێن لیگا ئێك یا ته‌پا پێ تیما ئورڤا سپور ل یاریگه‌ها خوه خوساره‌ت بۆ ل گه‌ل یانا ئه‌ده‌نا ده‌میر ب سێ گولان به‌رامبه‌ر دو گولان.
د یاریێن لیگا دو دا هه‌ردوو یانێن ئامه‌د سپور و مالاتیا سپور ل ده‌رڤه‌ى یاریگه‌هێن خوه وه‌كهه‌ڤ بوون كو ئامه‌د ل گه‌ل گول باشا سپور ب گوله‌كێ و ل باژێرێ ئیسته‌نبول تیما مالاتیا سپور ب دو گولان ل گه‌ل په‌ندیك سپور وه‌كهه‌ڤ بوو.
د لیگا سێ دا كو سێ یانێن باكورێ كوردى د پشكدارن بتنێ تیما دیاربكر سپور ل یاریگه‌ها خوه شیا سه‌ركه‌فتنێ توماربكه‌ت ده‌مێ ب سه‌ركه‌فتى ل سه‌ر چانكیرى ب دو گولان بێ به‌رامبه‌ر و هه‌ردو یانێن ڤان سپور و باتمان سپور وه‌كهه‌ڤ بوون ل یاریگه‌هێن خوه.
د یاریێن بالیگى لیگ دا كو رێژه‌یه‌كا مه‌زنا یانێن باكورێ كوردستانێ پشكدارن ژ گرنگترین یاریێن ڤێ حه‌فتیێ پشتى بورینا هه‌شت یاریان تیما جزیره سپور توشى خوساره‌تیا ئێكێ بوو ده‌مێ خوساره‌ت بوى ل گه‌ل تاڤان سپور ب دو گولان بێ به‌رامبه‌ر سه‌راره‌ى ڤێ خوساره‌تیێ جزیره سه‌رێ كومێ پاراست ب 21 خالان و د كوما چارێ دا ژ هه‌مان لیگ دێرسم سپور وه‌كهه‌ڤ بوو ل گه‌ل كلیز به‌لدیه سپور ب دو گولان.
