یێن شووستەیی ب کار دئینن دھێنە سزادان
ئه‌ڤرۆ نيوز:
سەروکێ باژێرڤانیا قەزا شێخان دیار کر کو دیاردەیەک د ناڤ بازاری دا ھەیە کو خودانێن مارکێت و فرۆشکەھان و خوارنگەھا شووستە ب کارئینایە بۆ دانانا کەلوپەلێن خوە ژ بەر کو ئەڤ شووستە مولکێ حوکمەتێ نە وان بێ ئاگەھداری ئەو ب کار ئیناینە دەست ب سزادانا وان ھاتیە کرن.
ئەندازیار خالد نەرمۆ، سەروکێ باژێرڤانیا قەزا شێخان بۆ رۆژناما ئەڤرۆ دیار کر کو ل دووڤ قانوونا ژمارە “3” یا پەرلەمانێ کوردستانێ کو د ئەڤ سال دا ئەڤ قانوونە دەرکەفتیە و یا تایبەتە ب نەھێلانا زێدەگاڤیان ل سەر مولکێ میری ژبۆ سزادان و ژ ناڤبرنا وان دیاردان، لژنەکا تایبەت ھاتیە پێک ئینان ژ لایێ قائیمقامیا قەزا شێخان ڤە ب ئەندامەتیا باژێرڤانیا شێخان ڤە، ئەو لژنە پێک دھێت ژ چاڤدێرێن باژێرڤانی و کەسانێن قانوونزان و ل گەل ھندەک دامودەزگەھێن میری دڤێ حەفتیێ دا دێ کار کەن ژبۆ ژ ناڤبرنا وان سەرپێچیا و سزادانا وان کەسێن ئەڤ سەرپێچی یە ئەنجام داین ژ بەر کو ئەڤ سەرپێچی یە رۆژ ب رۆژێ یێن زێدە دبن.
سەروکێ باژێرڤانیا قەزا شێخان خویاکر کو ئەڤ کەسە ب کوژمەکێ پارەیی دھێنە سزادان و بۆ دادگەھێ دھێنە رەوانەکرن، ژ بەر کو د نھا دا گەلەک کەسا شووستە وەکو مارکێتەکێ ب کارئینایە و کریە کوگەھەک بۆ فروشگەھا خوە .