یەنی شەفەق: ئەمریكا دڤێت دەڤەرێن ناکۆکی ل سەر بێخیتە ژێر دەستهەلاتا كوردان
ئەڤرۆ نیوز ، زنار تۆڤی:
رۆژنامەکا توركی بەلاڤەکریە ل بەرامبەر بزاڤێن توركیا و عیراقی بۆ ڤەكرنا دەرگەهەکێ نوویێ سنوری دناڤبەرا تورکیا و عیراقێ دا، ئەمریكا بزاڤێ دکەت پێشمەرگەی ببەتە وان دەڤەرێن جهێ ناکۆکیێ.
رۆژناما (یەنی شەفەق) یا نێزیك ل حوکمەتا توركیا بەلاڤەکریە، پشتی چربوونا بزاڤێن ئەنقەر و بەغدا بۆ ڤەكرنا دەرگەهێ سنوری یێ ئۆڤاكۆی كو ئارمانج ژێ بازرگانیا راستەوخۆیە دناڤبەرا وان دو وەلاتان و داکو کاریگەیا رۆلێ هەرێما كوردستانێ دناڤبەرا وان دا نەمینیت، ئەمریكا دژی ڤێ پێنگاڤێ راوەستیایە.
وێ رۆژنامێ گۆتیە، برێت مەكگۆرك هنارتیێ تایبەت یێ سەرۆكێ ئەمریكا زنجیرەكا دیداران ل گەل بەرپرسێن هەرێما كوردستان ئەنجامداینە و تێدا ئاماژە ب هندێ دایە کو سنوورێن دناڤبەرا (عیراق – توركیا) ژ لاکێ و (عیراق – سووریا) ژلایەکێ دیترڤە، دێ ژ هێزێن عیراقێ دێ هێتە پاقژکرن و دێ ئێخیتە ژێر كۆنترۆلا هێزێن ئەمریكا و هێزێن پێشمەرگەی.
هەروەسا گۆتیە، ئەو پلانا ئەمریكا ب رەنگەکێ دێ ل دەستپێکێ دێ تەلەعفەر و دەوروبەران ژ هێزێن حەشدا شەعبی و سوپایێ عیراقێ وەرگریت و دێ فڕۆكخانا تەلەعفەر ئێخیتە ژێر چاڤدێریا هێزێن ئەمریكا.
دیسا مەكگۆركی گۆتیە، نوکە تەلەعفەر ل ژێر كۆنتڕۆلا هێزێن سەر ب ئیرانێ ڤەیە و دڤێت ئەو شار ژ وان هێزان بهێتە پاقژکرن و بكەڤیتە ژێر كۆنتڕۆلن هێزێن ئەمریكا و هێزێن پێشمەرگە، پاشی كەركوك جارەکا دیتر بكەڤیتە ژێر كۆنتڕۆلا هێزێن هەرێما کوردستانێ.
یەنی شەفەق دیارکریە ژی، ئارمانجا ئەمریكا ژ وێ پێنگاڤێ ژ بلی تێكدانا وی پڕۆژێ توركیا و عیراقێ، دێ رێیەکا ڤەکری بیت، بۆ گەهاندنا هاریكاریێن سەربازی بۆ شەرڤانێن رۆژئاڤا كوردستانێ، لەوما وێ رۆژنامێ داخواز كریە، بۆ رێگرتنێ ل ڤێ بزاڤا ئەمریكا، پڕۆژێ (ئۆڤاكۆی) ب لەز جێبەجێ بكەن و وی دەرگەهی ڤەکەن.
