ئێکەتیا لاوان دێ کۆنگرێ خوە یێ ھەشتێ گێڕیت
ئه‌ڤرۆ نيوز:
لژێر چاڤدێریا سەرۆک بارزانی ئێکەتیا لاوێن دیموکراتا کوردستانێ دێ کۆنگرێ خوە یێ ھەشتێ ل رۆژا 11-7-2018ێ ب پشکداریا ھەموو لاوێن کوردستانێ و دەرڤەی وەلاتی ل ھۆلا ماموستا سەعد عەبدوللا ل باژێرێ ھەولێرێ گێڕیت.
تەیمور تەیمور عەبدال، سکرتێرێ ئێکەتیا لاوێن دیموکراتا کوردستانێ بۆ رۆژناما ئەڤرۆ دیار کر کو د ڤی کۆنگرەیی دا بەرنامەکێ نوو بۆ سێ سالێن داھاتی دێ بۆ ئێکەتیا لاوێن دیموکراتا کوردستانێ ھێتە دارێتن و گۆت: “ئەڤە بۆ دەمێ نەە سالانە ئەڤ کۆنگرە نەھاتیە گێڕان بڕیار بوو ل سالا 2013ێ بھێتە ئەنجامدان لێ ژ بەر وان کاودانێن ب سەر ھەرێمێ دا ھاتین بۆ ڤی دەمێ دیارکری ھاتە پاشخستن”.
ناڤھاتی ئاماژە دا وێ چەندێ کو ل سنوورێ سکرتاریەتا لاوان 24 ناڤەدێن بالا ھەنە و دەمێ کۆنگرەی دێ دو رۆژ بن رۆژا ئێکێ کۆنگرەیە و رۆژا دویێ دێ ئەنجامێن کونگرەی ھێنە دیارکرن بۆ دەستنیشانکرنا سەرکردەکی و دەستەیا نوو بۆ ئێکەتیا لاوێن دیموکراتا کوردستانێ.
