یوسف محەمەد وەکو نوونەرێ گۆڕان چوویە پەرلەمانێ ئورۆپی
ئەڤرۆ نیوز:
سەرۆکێ فراکسیۆنا پارتی ل پەرلەمانێ کوردستانێ راگەھاند، سەرەدانا یوسف محەمەد بۆ دەرڤە ب ناڤێ ھەرێمێ و وەکو سەرۆکێ پەرلەمانی نینە، بەلکو وەکو نوونەرێ بزاڤا گۆڕانێ یێ چووی.
ئۆمێد خوشناو گوت” بەرنامەکێ سالانە ل پەرلەمانێ ئورۆپی یێ ھەی کو نە ل سەر ئاستەکێ بلندە، بەردەوام سەرۆکێ پەرلەمانێ عیراقێ پشکداریێ تێدا دکەت، بەلێ سالا بۆری جێگرێ خوە (ئارام شێخ محەمەد) ھنارتبوو، ئەڤ سالە ژی جێگرێ وی، یوسف محەمەد یێ ل شوینا خوە ھنارتی ژبەرکو ژ حزبا وی یە، لەوما ل وێرێ وەکو سەرۆک پەرلەمان پێشوازی لێ ناھێتە کرن و ل کۆمبوونێن فەرمی ژی دا پشکدار نابیت و تنێ د مێھڤانداریان دا دێ پشکدار بیت و ل دەمێ پرسیار و بەرسڤان دا ژی دێ ل تەنشی نوونەرێ حوکمەتێ ھەرێمێ بیت و ب شو رەنگەکی گۆتارا فەرمی وەکو سەرۆک پەرلەمان نابیت”.
خوشناوی گوت ژی” جێگرێ سەرۆکێ پەرلەمانێ عیراقێ د چارچۆڤێ تێگەھشتنێن حزبی، بزاڤ کریە رەوشا ل ھەرێمێ دروست بووی و ڕێککەفتنا مە و گۆڕانێ ھەلوەشیای و یوسف محەمەد ژ پۆستێ سەرۆکێ پەرلەمانی ھاتیە لادان، ڤیایە ب ڤی ڕەنگی قەرەبوو بکەت، بەلێ ب دلنیایی ڤە وەکو سەرۆکێ پەرلەمانی پشکدار نابیت، بەلکو وەکو نوونەرێ گۆڕانە”.
