10 رۆژ مۆله‌ت دانه حوكمه‌تا عه‌بادى
ئه‌ڤرۆ نيوز:
بڕيار هاته دان د ماوێ 10 رۆژان دا پارێ كرينا به‌رهه‌مێ جوتيارێن هه‌رێما كوردستانێ بهێته مه‌زاخت؛ په‌رله‌مانتاره‌ك ژى رادگه‌هينيت كو هه‌كه د وى ماوه‌ى دا پاره نه‌هاته مه‌زاختن، دێ لێپرسين ل گه‌ل سه‌رۆك وه‌زير و ژماره‌كا وه‌زيران هێته كرن.
نه‌جيبا نه‌جيب ئه‌ندامێ فراكسيۆنا پارتى ديموكراتى كوردستان ل جڤاتا نوونه‌رێن عيراقێ بۆ مالپه‌رێ فه‌رميێ پارتى ديموكراتى كوردستان گۆت: “د كۆمبوونا جڤاتا نوونه‌رێن عيراقێ دا بڕيار هاته دان د ماوێ 10 رۆژان دا پارێ كرينا گه‌نمێ جۆتيارێن هه‌رێما كوردستانێ بهێته مه‌زختن، ئه‌ڤه ژى بۆ كرينا به‌رهه‌مێ جۆتيارێن هه‌رێمێ د دو سالێن بۆرى دا”.
نه‌جيبا خان دبێژيت: “هه‌كه د وى ماوه‌ى دا پارێ جۆتيارێن هه‌رێمێ نه‌هێته مه‌زختن، ژ لايێ حوكمه‌تا عيراقێ، بڕيار هاته دان حه‌يده‌ر عه‌بادى سه‌رۆك وه‌زيرێن عيراقێ و وه‌زيرێن په‌يوه‌نيدار و سه‌رۆكێ به‌نكا ناڤه‌ندى يا عيراقێ گازى جڤاتا نوونه‌ران بكه‌ن بۆ لێپرسينێ ب ئه‌گه‌رێ نه‌دانا پارێ جۆتيارێن هه‌رێما كوردستانێ”.