10 يانێن شه‌ڤان ب فه‌رمى ل سلێمانيێ كار دكه‌ن
ئه‌ڤرۆ نيوز:
رێڤه‌به‌رێ راگه‌هاندنا گه‌شتوگۆزارا سلێمانيێ دياركر كو پشكه‌كا مه‌زن يا يانێن شه‌ڤێ ل سلێمانيێ به‌ر ب داخستنێ نه و وه‌كو مۆله‌تا فه‌رمى 22 يانان مۆله‌ت هه‌يه، به‌لێ كێمتر وى كارى دكه‌ن و ئه‌گه‌ر ژى بۆ مه‌رجێن وان ڤه‌گه‌راند.
ئارام شوانى بۆ باسنيوز گۆت: “نوكه نابيت ژن د ناڤ مێزان دا هاتنوچوونێ بكه‌ت و سه‌مايێ ژى د ناڤ مێزان دا بكه‌ت و به‌رى نوكه ئه‌ڤ تشته نه‌بوو، به‌ر هندێ ژى نوكه هنده‌ك كێشه ل سه‌ر ڤه‌كرنا وان ده‌ركه‌فتينه”.
ئاماژه ب وێ چه‌ندێ ژى كر كو نوكه ب ره‌نگه‌كێ فه‌رمى نێزيكى 10 يانێن شه‌ڤان ل سلێمانيێ د ڤه‌كرى و دو لژنێن تايبه‌ت ئێك يا نهێنى و ئێك ژى ب ئاشكه‌رايى كارێ چاڤدێريا وان دكه‌ت.
دا زانين كو ژ سالێن به‌رى ژ ئه‌گه‌رێ سه‌رخۆشيێ هنده‌ك كه‌س هاتينه كوشتن و بريندار كرن، به‌لێ ل ئه‌ڤ ساله چو حاله‌تێن ژ وى ره‌نگى روو نه‌داينه.