12 تیم بۆ چاڤدێریێ ل سه‌ر نێچیرا زڤستانێ هاتینه پێكئینان
ئه‌ڤرۆ نیۆز، ئه‌میر ئه‌ترووشی
به‌رپرسێ راگه‌هاندنا پێشمه‌رگه‌یێن پاراستنا ژینگه‌هێ ل پارێزگه‌ها دهۆكێ راگه‌هاند، بۆ كۆنترۆلكرنێ ل سه‌ر نێچیرا زڤستانێ، 12 تیم هاتینه پێكئینان و به‌رده‌وام دووڤچوونێ ل سه‌ر جهێن به‌فرینی دكه‌ن.
موقه‌دم سیهامه‌دین عه‌لی، به‌رپرسێ راگه‌هاندنا پێشمه‌رگه‌یێن پاراستنا ژینگه‌هێ بۆ ئه‌ڤرۆ نیۆز دیار كر، ئه‌ڤ ساله نێچیرا ناڤ به‌فرێ ژلایێ وه‌لاتیان به‌ره‌ڤ كێمبوونێ چوویه و گۆت: مه 12 تیم پێكئیناینه و به‌رده‌وام سه‌ره‌دانا جهێن به‌فرینی دكه‌ن بۆ نه‌هێلانا نێچیرڤانیا ئاژه‌لێن كووڤی و ب تایبه‌ت ل ده‌ڤه‌رێن زاخۆ و ئامێدیێ و ئاكرێ.
ئاشكرا ژی كر كو تیمێن وان كۆنترۆله‌كا تمام ل سه‌ر نێچیرا زڤستانێ كریه و هه‌تا نووكه چو حاله‌ت نه‌هاتینه تۆماركرن و ئه‌ڤه ژی بوویه ئه‌گه‌ر كو رێژه‌یا كه‌وا ل ئاقاری به‌ره‌ڤ زێده‌بوونێ بچیت.
