13 خێزانێن دی یێن کورد د دەریا ئیجە دا خەندقین
ئەڤرۆ نیوز:، لەزگین جۆقی:
سەرۆکێ لیستا برایەتی و پێکڤەژیانێ ل جڤاتا پارێزگەھا نەینەوا بۆ ئەڤرۆ نیوز دیارکر کو ھەولدان ب رێیا نڤیسینگەھا نیچیرڤان بارزانی سەرۆکێ حوکمەتا ھەرێما کوردستانێ بۆ ڤەگەراندنا تەرمێ 34 وەلاتین ھاتنیە نقوومکرن د دەریا ئینجە دا ل جزیرا فارماکونیسی یا وەلاتی یونانی د بەردەوامن.
سەیدۆ چەتۆ سەرۆکێ لیستا برایەتیی و پێکڤەژیانێ ل جڤاتا پارێزگەھا نەینەوا گۆت: “13 ژ وەلاتیێن د ئاڤی دا نقوم بووین خەلکێ دەڤەرا سنونێ نە و قەزا شنگالی نە، ژ ھندەک خێزانان ب تنی ئیک مایە ساخ و پتریا نقوم بوویان ژی زارۆ و ژنن”.