14 كه‌س د رۆژانێن جه‌ژن دا بووينه قوربانى روودانێن ترافيكێ
ئه‌ڤرۆ نيوز:
رێڤه‌به‌رێ راگه‌هاندنا هاتنوچوونێ ل پارێزگه‌ها دهۆكێ راگه‌هاند كو د رۆژانێن جه‌ژن دا، كه‌سه‌كى گيانێ خوه ژ ده‌ست دايه و 13 كه‌س ژى بريندار بووينه.
رائيدێ مافپه‌روه‌ر ئازاد تاها، رێڤه‌به‌رێ راگه‌هاندنا هاتنوچوونێ ل پارێزگه‌ها دهۆكێ د كۆنگره‌كێ رۆژنامه‌ڤانى دا ب مه‌ره‌ما راگه‌هاندنا ئامارا رۆژانێن جه‌ژنێ دياركر كو د چار رۆژانێن جه‌ژنێ دا، نه‌هـ روودان رووداينه و ژ ئه‌گه‌رێ وێ چه‌ندێ ژى زارۆيه‌كى گيانێ خوه ژ ده‌ست دايه و 13 كه‌س ژى بريندار بووينه.
ئازاد تاها گۆت: “ژ وان نه‌هـ روودانێن رووداين چار ژ وان لێكدان بووينه و چار ژى لێدان و ئێك وه‌رگه‌ريان كو تێدا كه‌سه‌كى گيانێ خوه ژ ده‌ست دايه و 13 ژى بريندار بووينه”.
