145 پڕۆژه ب گوژمێ پتر ژ 48 ملیار دیناران ل دهۆكێ هاتنه راگههاندن
ئهڤرۆ:
د. عهلی تهتهر، پارێزگارێ دهۆكێ، دوهی 26/6/2022 ب گوژمێ 48 ملیار و 112 ملیۆن و 350 هزار دیناران 145 پڕۆژهیێن خزمهتگوزاری ل سنوورێ دهڤهرداریێن جودایێن پارێزگهها دهۆكێ راگههاندن.
پارێزگارێ دهۆكێ د كۆنگرهكێ رۆژنامهڤانی دا راگههاند: ههموو پڕۆژهیێن پێشوهخت كهفتینه كاری و ژ ئهگهرێ نهبوونا پاران هاتینه راوهستاندن دوباره دێ كهڤنه كاری و پارێ پێدڤی گههشتیه بانكێن پارێزگهها دهۆكێ بۆ تمامكرنا وان.
پارێزگاری ئاشكرا ژی كر كو بۆ قووناغا ئێكێ یا ئهڤ ساله ب گوژمێ 48 ملیار و 112 ملیۆن و 350 هزار دیناران 145 پڕۆژهیێن خزمهتگوزاری ل دووڤ رێژا ئاكنجیان و پێدڤیاتی و رووبهرێ دهڤهرداریێن سهر ب پارێزگههێ ڤه ب دادپهروهری رازیبوون هاتیه كرن و ل دهمهكێ نێزیك ئهو پڕۆژهیه دێ هێنه راگههاندن و پرۆسا تهندهركرنێ دێ بۆ هێته كرن و كهڤنه د قووناغا بجهئینانێ دا و گۆت: “د قووناغا دویێ یا پڕۆژهیان دا دێ پتر و بهرچاڤتربیت و چهندین پڕۆژهیێن خزموتگوزاری بخوهڤه دگریت”.
د دهمێ ڤان سێ سالان دا ب گوژمێ 606 ملیار و 778 ملیۆن و 548 هزار دیناران، 389 پڕۆژهیێن خزمهتگوزاری ژ بودجێن جودا دهێنه ئهنجامدان و پشكهكا زۆر ژ وان كهفتینه د خزمهتا وهلاتیان دا.