21 بنگەە و جهێن گەشتیاری ل هەرێمێ خەلاتێ جۆری وەرگرت
ئەڤرۆ نیوز، رێوار محەمەد رەشید:
پەیڤدارێ دەستەیا گشتی یا گەشت و گۆزارێ ل هەرێما کوردستانێ راگەهاند کو د رێورەسمەکی دا 21 بنگەه و جهێن گەشتیاری ئەڤرۆ رۆژا 25/2/2020 خەلاتێ جۆری ژ لایێ دەستەیا گشتی یا گەشت و گۆزارێ ل هەرێما کوردستانێ ڤە وەرگرت.
نادر رۆستی، پەیڤدارێ دەستەیا گشتی یا گەشت و گۆزارێ ل هەرێما کوردستانێ ئاشکرا کر کو د رێورەسمەکێ ژ هەژی دا دەستەیا گشتی یا گەشت و گۆزارێ ل هەرێما کوردستانێ خەلاتێ جۆری دا وان بنگەه و جهێن گەشتیاری یێن کو شیاین مەرج و رێنمایێن دەستەیا گشتی یا گەشت و گۆزارێ ل هەرێما کوردستانێ بجە بینن و بنەمایێن خەلاتێ جۆری جێبەجێ بکەن و ئاستێ خزمەتگۆزاری و کوالێتیا کارکرنێ بلند بکەن.
ناڤهاتی ئاماژە دا وێ چەندێ کو 21 بنگەه و جهێن گەشتیاری یێن هەرێما کوردستانێ خەلاتێ جۆری وەرگرتن کو پێکهاتی بوون ژ ئۆتێل و رێستورانت و کافێ و خوارنێن بلەز.
ل دووماهیێ پەیڤدارێ دەستەیا گشتی یا گەشت و گۆزارێ ل هەرێما کوردستانێ خویا کر ئەڤ خەلاتە دێ یێ بەردەوام بیت و هەموو جهێن گەشتیاری یێن کو مەرجێن دەستەیا گشتی یا گەشت و گۆزارێ بجه بینن دشێن ڤی خەلاتی ب دەست خوە ڤە بینن.
