210 كانديد يێن هاتينه سزادان و چو ژ وان نه‌هاتينه ده‌ركرن
ئه‌ڤرۆ نيوز:
ژ ئه‌گه‌رێ پابه‌ندنه‌بوونێ ب رێنمايێن كۆمسيۆنێ ژ ده‌سپێكا هه‌وا هه‌لبژارتنان هه‌تا نوكه، كۆمسيۆنێ 210 كانديد ژ هه‌موو كانديد و ليسته و هه‌ڤپه‌يمانيا و قه‌واره‌يان سياسى سزا داينه.
حازم ردێنى، ئه‌ندامێ جڤاتا كۆمسيارێن كۆمسيۆنا بلندا هه‌لبژارتنێن عيراقێ بۆ رووداو راگه‌هاند كو 210 كانديد هاتينه سزادان، سزا ژى ب تنێ ماددى بوون، چو كانديد ژ ئه‌گه‌رێ سه‌رپێچيێن د هه‌ڤركيا هه‌وا هه‌لبژارتنان دا دوور نه‌خستينه.
وه‌كو حازم ردێنى ئاشكه‌ر كرى كو ئه‌و كانديدێن پۆسته‌ران ل جهێن گشتى و نه‌شياو هه‌لاويستى نه و دامه‌زراوێن حوكمه‌تێ ب كار ئيناينه بۆ بانگه‌شه‌يا هه‌لبژارتنان.
د هه‌لبژارتنێن ئه‌ڤ ساله دا 320 حزب و هه‌ڤپه‌يمانى و ليست ب سه‌ر 88 ليست و 205 كيانێن سياسى و 27 هه‌ڤپه‌يمانيان پارڤه دبن. حه‌فت هزار و 367 كه‌س به‌ربژێرن كو 2014 كه‌س ژى ژنن.
