273 پرۆژێن ماسیا ل دھۆکێ ھەنە
ئەڤرۆ نیوز، سالار دۆسکی:
ئەندازیارێ چاندنێ رێدیر سدقی شەریف رێڤەبەرێ سامانێن ئاژەلی ل پارێزگەھا دھۆک بۆ ئەڤرۆ نیۆز گۆت: 273 پرۆژێن ماسیا مە ل دھۆکێ ھەنە و شیانێن بەرھەم ئینانێ یا ئەڤان پرۆژان 3 ملیون و 800 ھزار بووینە.
گۆتژی: سیستەمەکێ نوو حوکمەتێ پشتەڤانی کر ب رێژا 75% ئەو ژی پرۆژێ قەفسا بوویە، پرۆژێن خودانکرنا ماستێن سەلەموون ل جوکێن کونکرتی و سێ پرۆژە ھەنە، ئەڤ سالە 50 ھزار تێشکێن ماسیان ب پارەکێ رەمەزی ل سەر پرۆژان ھاتنە بەلاڤەکرن.
ئاشکراکر کو ھەتا نوکە موولەت دایە دو کارگەھێن دروستکرنا ئالفی بۆ گیانەوەرا و ماسیان نوکە کاری دانە، کارگەھەک ژی ب دووماھی ھاتیە ل قەزا سیمێلێ و کارگەھەک ژی ل ژێر ئاڤەدانکرنێ یە و ھەموو دێ بنە حەفت کارگەھێن ئالفی، ب دانانا ئەڤان کارگەھا دێ چەندین کرێکار تێدا کارکەن.
ھێشتا ژی گۆت: ئەڤ سالە موولە بۆ ڤەکرنا سەربرخانەکێ ھاتیەدان و ھێشتا دەست ب کاری نەکریە ل باعەدرێ، ئێک ل بەردەرش ژی ھەیە و ئێک سێمێلێ ھەیە، بتنێ ئاریشا مە نەبوونا سەربرخانا بوویە چونکە مە جھێن خودانکرنێ ھەنە و کارگەھێ، ئالفی بتنێ بازار مە نینە و پتر خەلکێ مە حەزا ل سەر مریشکێن بیانی ھەی و ھەکە ئەڤ پرۆژە بکەڤنە کاری دێ بزاڤا کارکرنێ گەشێ کەت و پرۆژەکێ دی دقوناغا موولەتێ دایە و ھەکە بکەڤیتە کاری دێ گەلەکا پێش کەفتی بیت.
