30 ره‌ڤانديێن دى يێن دى ژ ده‌ستێ داعش هاتنه ئازادكرن
ئه‌ڤرۆ نيوز، له‌زگين جۆقى:
به‌رپرسێ نڤيسينگه‌ها ره‌ڤانديان ل دهۆكێ بۆ ئه‌ڤرۆ نيوز راگه‌هاند كو ئه‌ڤرۆ ژى هژماره‌كا دى يا ره‌ڤانديێن ده‌ستێ داعش رزگار بوون.
حسێن كورۆ ئيبراهيم، به‌رپرسێ نڤيسينگه‌ها ره‌ڤانديان ل دهۆكێ، گۆت: “ئه‌ڤرۆ ژى 30 كه‌سێن دى ژ ده‌ستێ داعش رزگار بوون كو 23 زارۆ و چار ژن و سێ زه‌لامن”.
به‌رپرسێ نڤيسينگه‌ها ره‌ڤانديان ل دهۆكێ ئاماژه ب وێ چه‌ندێ ژى كر كو ئه‌ڤه يێن خه‌لكێ حه‌ردان و گرزه‌رك و دهۆلانه.
ئاماژه ب وێ چه‌ندێ ژى كريه كو ئه‌ڤ كه‌سه دێ بۆ نه‌خۆشخانا ئازادى ل دهۆكێ هێنه ره‌وانه كرن دا كو پشكنينێن ساخله‌ميێ بۆ بهێنه كرن و ل سه‌ر ره‌وشا ساخله‌ميا وان پشت راست بن.
