300 كه‌س ل ئه‌لمانيا ب تۆمه‌تا داعش دێ هێنه دادگه‌هكرن
ئه‌ڤرۆ نيوز:
وه‌زيرێ داد يێ ئه‌لمانيا هيگۆ ماس، ئه‌ڤرۆ رۆژا دوشه‌مبى راگه‌هاند كو نێزيكى 300 تۆندڕه‌و ل ئه‌لمانيا ب تۆمه‌تا داعش دێ چنه به‌ر دادگه‌هێ.
سومه‌ريه نيوز ژ رۆژناما ستار تايمز يا ئه‌لمانى ڤه‌گوهاستيه: “وه‌زيرێ داد يێ ئه‌لمانيا هيگۆ ماس سوزێ دده‌ت كو هه‌ر كه‌سێ پشته‌ڤانيا داعش بكه‌ت دێ چيته به‌رامبه‌ر دادگه‌هێ”، ئاشكه‌را ژى كريه كو قانوونێن دژى تيرۆرێ كار دكه‌ن و پێدڤى ب چو بڕيارێن دى ناكه‌ت.
ئه‌ڤه دده‌مه‌كى دا هات كو هنده‌ك ژ كه‌ساتيێن سياسى ل ئه‌لمانيا داخوازا رێگريێن دژوار و بڕيارێن نوو دكه‌ت دا كو ل هه‌مبه‌ر وان كه‌سێن هه‌ڤكاريا داعش دكه‌ن ب كار بينيت.
داواكارێ گشتى ل ئه‌لمانيا رۆژا ئه‌ينى 28\11\2014 سزايێ زيندانێ بۆ ماوێ چار سالان ل سه‌ر زه‌لامه‌كێ ئه‌لمانى يێ 20 سالى سه‌پاند ب تۆمه‌تا شه‌ركرنێ ل گه‌ل داعش ل سوريا كو ئه‌ڤه دبيته دادگه‌ها ئێكێ يا ژ ڤى ره‌نگى ل وه‌لاتێ ئه‌لمانيا دژى ڤه‌گه‌ريايێن ناڤ داعش دهێته كرن.
