32 كه‌سان د خونیشادانێن ئیرانێ دا گیانێ خوه ژ ده‌ست داینه
ئه‌ڤرۆ نيوز:
ل دووڤ میدیایێن ئیرانى، ل خونیشادانێن ئیرانێ هه‌تا نوكه 32 كه‌سان گیانێ خوه ژ ده‌ست داینه كو ب تنێ ل گاهده‌ریجان شه‌ش كه‌سان گیانێ خوه ژ ده‌ست دایه و ل ئه‌سفه‌هانێ ژى سێ كه‌سان.
عه‌لى ئه‌سغه‌ر جێگرێ پارێزگارێ ته‌هران راگه‌هاند، سه‌را خونیشادانان ل ته‌هران 450 كه‌س هاتینه گرتن و به‌رده‌وام ئه‌ڤ ژماره د زێده‌بوونێ دایه.
خونیشادانێن ئیرانێ رۆژا 5 شه‌مبیا بوورى 28/12/2017 ژ ئه‌نجامێ نه‌رازیبوونا ژماره‌كا وه‌لاتیان ل باژارێ مه‌شهه‌د سه‌باره‌ت گرانیا بازارى و بێكاریێ و گه‌نده‌لیێ ده‌ستپێكر و نوكه ئه‌ڤ خونیشادانه پرانیا باژێرێن ئیرانێ ڤه‌گرتیه.
