32 كه‌سێن دى ژ ده‌ستێ داعش دهێنه رزگاركرن
ئه‌ڤرۆ نيوز:
رێڤه‌به‌رێ گشتيێ كاروبارێن ئێزديان ل وه‌زارتا ئاينى و كاروبارێن ئيسلامى ل هه‌رێما كوردستانێ راگه‌هاند كو ئه‌ڤرۆ 23ى نيسانا 2015ێ ژى 32 كه‌سێن دى ژ ده‌ستێ داعش هاتينه رزگاركرن.
خه‌يرى بۆزانى، رێڤه‌به‌رێ گشتيێ كاروبارێن ئێزديان ل وه‌زارتا ئاينى و كاروبارێن ئيسلامى ل هه‌رێما كوردستانێ، گۆت: “ئه‌ڤرۆ رۆژا پێنجشه‌مبى رێكه‌فتى 23ى نيسانا 2015ێ 32 كه‌سێن دى ژ ده‌ستێ داعش رزگاربووينه و گه‌هشتينه ناڤ ده‌ستێن وان”.
رێڤه‌به‌رێ گشتيێ كاروبارێن ئێزديان ل وه‌زارتا ئاينى و كاروبارێن ئيسلامى ل هه‌رێما كوردستانێ زێده‌تر گۆت: “ژ ڤان 32 كه‌سان 22 زارۆ و 8 ژن و دو زه‌لامان و ره‌وشا وان يا ساخله‌ميێ يا باشه”، ئاماژه ب وێ چه‌ندێ ژى كر كو ئه‌ڤه خه‌لكێ كوچۆ و دهۆلا و گۆهبه‌ل و تل قه‌صه‌بن.
سه‌رجه‌مێ گشتيێ كه‌سانێن رزگاربوويێن ناڤ ده‌ستێ داعش هه‌تا 16ى نيسانا 2015ێ گه‌هشتبوونه هزار و 483 كه‌سان كو ژ وان 293 زه‌لام و 724 ژن و 266 زارۆنه كو ژ وان ژى 242 كوڕ و 225 كچ بوون.
