400 كۆنگرێسمه‌ن داخوازيه‌كێ ژ تره‌مپ دكه‌ن
ئه‌ڤرۆ نيوز:
نێزيكى 400 كۆنگرێسمه‌نێن ئه‌مريكى داخوازێ ژ دۆتالد تره‌مپ، سه‌رۆكێ ئه‌مريكا دكه‌ن خوه ژ سوريا ڤه‌نه‌كێشيت و به‌رسينگێ مه‌ترسيێن گرۆپێن تيرۆرستى بگريت ب به‌هانه‌يا وێ چه‌ندێ كو گه‌فان ل نێزيكترين هه‌ڤپه‌يمانێن وێ دكه‌ت.
ئه‌وان كۆنگرێسمه‌نان رۆژا دوشه‌مبى 20ى گۆلانا 2019ێ ياداشته‌ك ئيمزا كريه و ئاراسته‌ى سه‌رۆكێ وه‌لاتێ خوه كريه و داخوازا به‌رده‌واميا رۆلێ ئه‌مريكا ل سوريا دكه‌ن و دبێژن كو ئه‌و د دلته‌نگن ژ چالاكيێن گرۆپێن تۆندره‌و ل سوريا.
ژ سه‌رجه‌مێ 535 ئه‌ندامێن جڤاتا نوونه‌ران و جڤاتا پيران، 400 كه‌سان ئيمزا ل سه‌ر وێ پادشتێ كريه و وه‌سان دبينن كو نێزيكترين هه‌ڤپه‌يمانا ئه‌مريكا ل ده‌ڤه‌رێ د بن گه‌فا وان گرۆپان دايه و داخواز ژ سه‌ركردێن وه‌لاتێ خوه دكه‌ن كو هه‌رده‌م رۆلێ خوه يێ ئێكلاكه‌ر ببينن.
هه‌ر وه‌سا د نامێ دا، داخوازێ ژ تره‌مپ دكه‌ن گڤاشتنێ بێخيته سه‌ر رۆسيا و ئيرانێ ده‌رباره‌ى چالاكيێن ل سوريا. ژبلى وێ چه‌ندێ ژى گڤاشتنێن حزبولايا لوبنانێ ژى ب خوه ڤه بگريت.
