41 چه‌كدارێن داعشێ ل كوبانێ هاتن كوشتن
ئه‌ڤرۆ نیۆز:
رووسیا ئه‌لیوم، هێزێن كوردان ل كوبانێ هێرشه‌كا چه‌كدارێن داعشێ ل ئالیێ باشورى ڤه تێكشكاندن، ئاژانسا ده‌نگۆباسێن رووسى هه‌روه‌سا دیاركرن هێزێن یه‌كینه‌یا پاراستنا گه‌ل 41 چه‌كدارێن داعشێ دوێ هێرشێ دا كوشتن، هه‌ڤده‌م ئاشكراكرن هێزێن كوردان ب پشته‌ڤانیا توپبارانكرنا تونَدا پێشمه‌رگه‌ى شیان ژ ئالیێ رۆژهه‌لاتا كوبانێ پێشڤه‌چوونێ بكه‌ن.
ئاژانسا رووسى ئه‌و چه‌نده ژى نه‌ڤه‌شارت ب هێز كه‌فتنا هێزا یه‌كینه‌یا پاراستنا گه‌ل پشتى چوونا پێشمه‌رگه‌ى بۆ كوبانێ ب چه‌كێ خوه‌یێ قورس پێشڤه‌چوونا بۆ كوردان په‌یدا كرن، كو هه‌تا نها پارچه‌ك ژ گرێ مشته نور یێ ستراتیجى و رێیا حه‌له‌نج كو ده‌مارا سه‌ره‌كى یا هاتنا هریكارى و پشته‌ڤانیا چه‌كدارێن داعشێ بوو كه‌فتنه ژێر كونترۆلكرنا كوردان.