4323 بكارهێنەرێن ماددێن هۆشبەر دناڤ گرتیگەهێن كوردستانێدا هەنە
دیندار زێباری، ڕاسپاردێ نێڤدەولەتی ل حكوومەتا هەرێما كوردستانێ ئاماژە ب وێ یەكێ كر، نوكە ل هەرێما كوردستانێ چار هزار و ٣٢٣ كەس دناڤ گرتیگەهاندانە كۆ ١٢٢٣ كەس هاتنە حوكمدان، د سالا ٢٠٢٣ێ دا ل هەولێر و دهۆك دوو هزار و ٢٨٢ كەس، ل سلێمانی و گەرمیان و هەڵەبجە و ڕاپەرین هزار و هەشت كەس هاتنە گرتن.
زەلال ژی كر، حكوومەتا هەرێما كوردستانێ د هەماهەنگییا دگەل ئیراق و وەڵاتێن دراوسێ، بۆ ل هەڤگۆهڕینا ماددێن هۆشبەر بەردەوامە، ١٤٧ ڕاپۆرتێن هەڤبەش هاتنە ل هەڤگوهۆڕین بۆ ڕێگریكرن ژ بازرگانێن ماددێن بێ هۆشكەر.
حكوومەتا هەرێما كوردستانێ رۆشنبیرییا دژە ماددێن هۆشبەر بەرهەڤ كرینە، زێباری گۆت: «دێ ئێخینە ناڤ پرۆگرامێ پەروەردێدا.»
دیندار زێباری دیار كر، سەرۆكێ حكومەتا هەرێما كوردستانێ، چاڤدێرییا تمام یا پرۆسێ دكەت، هەمی لایەنێن یاسایی و ساخلەمی و ڕۆشنبیری رێنمایێن پێدڤی داینە لایەنێن پەیوەندیدار.
رێكخەرێ راسپاردێن نێڤدەولەتی گۆت: «بزاڤ بۆ نەهێلانا مەترسییا ماددێن بێهۆشكەر و دامەزراندنا بنگەهێن شیاندنا تووشبوویێن ماددێن هۆشبەر بەردەوامن.»
د پێنگاڤا ئێكێدا، بازرگان و بكارهێنەر هاتنە جوداكرن، ژبەركۆ د زیندانا كریار، فرۆشیار و بازرگان هەنە، كۆ زۆربەیا مادان ژی ل وان دەڤەرێن سنووریێن بەرفرەهـ دهێنە كوردستان و عێراقێ كۆ چەكدارێن جۆراوجۆر تێدانە. هیچ ئامارەك ل بەردەست نینە، ژبەركۆ رێژا كۆژمێ ماددێن دەستەسەركری زۆرە.
