600 كه‌س ل خوه‌نيشادانێن باشوورێ عيراقێ هاتينه ده‌سته‌سه‌ركرن
ئه‌ڤرۆنيوز:
ژێده‌ره‌كێ رۆژنامه‌ڤانى ژ پارێزگه‌ها به‌سرا بۆ ئه‌ڤرۆنيوز راگه‌هاند، نێزيكى 600 كه‌سان ل خوه‌نيشادانێن پارێزگه‌هێن باشوورێ عيراقێ يێن هاتينه ده‌سته‌سه‌ركرن وئامژاه دا كو پتريا وان ده‌ست دكارێن توندوتيژيێ وهێرشكرنێ ل سه‌ر هيزێن ئه‌منى دا هه‌بوو.
عه‌لى ئه‌لسارى، رۆژنامه‌ڤانێ تۆرا راگه‌هاندنا عيراقێ ل پارێزگه‌ها به‌سرا بۆ ئه‌ڤرۆنيوز گۆت” ئه‌و هژمارا كه‌سان يێن دخوه‌نيشاندانێن باشوورێ عيراقێ دا ژلايێ هيزێن ئه‌منى ه هاتينه ده‌سته‌سه‌ركرن دبه‌لاڤكرينه ل سه‌ر پارێزگه‌هێن به‌سرا وناسريه وكه‌ربه‌لا وميسان وچه‌ند ده‌ڤه‌رێن دى يێن باشوورێ عيراقێ”.
ئه‌لسارى گۆت ژى” پتريا وان كه‌سێن هاتينه ده‌سته‌سه‌ركرن ده‌ست دكارێن توندوتيژيێ ل ده‌مێ خوه‌نيشادانان دا هه‌بوو، هه‌روه‌سا چه‌ندين كه‌سان ژوان هێرش كريه سه‌ر هيزێن ئه‌منى ومۆلكێن گشتى”.
ژلايه‌كێ دى ڤه، عه‌ميد (يه‌حيا ره‌سول) په‌يڤدارێ بنگه‌هێ راگه‌هاندنا ئه‌منى ل عيراقێ دكۆنگره‌كێ رۆژنامه‌ڤانى دا ئه‌ڤرۆ سێشه‌مبى 17/7/20188 راگه‌هاند” 262 كه‌س ژ هێزێن ئه‌منى دچه‌ند رۆژێن خوه‌نيشادانين پارێزگه‌هين باشوورێ عيراقێ يێن برينداربووين كو شه‌ش ژوان حاله‌تێ وان يێ باش نينه”.
