7 جهێن گوشت فرۆشيێ هاتنه داخستن
ئه‌ڤرۆنيوز:
لژنا پشكنينێ وچاڤدێريا بازارى ل باژێرێ هه‌ولێرێ 7 دجهێن گوشت فرۆشيێ ل ناڤه‌ندا قه‌زا هه‌ولێرێ داخستن.
قايمقاميا قه‌زا ناڤه‌ندا هه‌ولێرێ دبه‌ياننامه‌كێ دا به‌لاڤكر” ئه‌ڤرۆ پێنجشه‌مبى 21/6/2018
لژنا پشكنينێ وچاڤدێريا بازارى ب سه‌رپه‌رشتيا قايمقامێ قه‌زا ناڤه‌ندا هه‌ولێرێ وسه‌رۆكێ لژنێ، دووڤچوون بۆ 22 گوشت فرۆشيا دناڤ باژێرێ هه‌ولێرێ دا كر ل دووڤ سكالايێن وه‌لاتيان”.
دياركر ژى” مه‌ره‌ك ژ ڤان سه‌ره‌دانێن لژنا پشكنينێ وچاڤدێريا بازارى دووڤچوونه بۆ دلنيا بوون ژ هه‌بوونا رێنمايان وهه‌بوونا مۆله‌تێ وكارتا ساخله‌ميێ وچاڤدێريا بهايان بوون”.
به‌لاڤكر ژى” ئه‌و جهێن پێگيرى ب رينمايێن ساخله‌مى وڤێتێرنه‌رى وچاڤدێريا بازرگانى نه‌كرين 7 جهێن گوشت فرۆشيێ بوون وهاتنه داخستن ودێ پێرابوونێن قانوونى ل به‌رامبه‌ر وان هێنه وه‌رگرتن”.
