8 ئادارێ ل دهوكێ دێ هێته ساخكرن
ئه‌ڤرو نیوز، هه‌یفا دوسكى:
ئێكه‌تیا ئافره‌تێن كوردستانێ و سه‌ندیكا هونه‌رمه‌ندێن كوردستانێ و ب هه‌ڤكارى دگه‌ل په‌یمانگه‌ها گاره یا كومپیوته‌رى دێ رۆژا جیهانیا ئافره‌تان ل ئێكه‌تیا نڤیسه‌رێن كورد هێته ساخكرن.
شه‌پال حه‌سه‌ن به‌رپرسا ئه‌نجومه‌نێ پارێزگه‌ها دهوكێ یا ئێكه‌تیا ئافره‌تان بۆ سایتێ ئه‌ڤرو نیوز گۆت: ژبه‌ر رۆلێ ژنێ و گرنگیا ژنێ مه ڤیا ئه‌م دگه‌ل سه‌ندكا هونه‌رمه‌ندان و ب هه‌ڤكارى دگه‌ل په‌یمانگه‌ها گاره یا كومپیوته‌رى پێكڤه ڤێ رۆژێ ساخ بكه‌ین، ئانكو ژ به‌ر گرنگیا هه‌شتى ئادارێ ئه‌ڤ رۆژه دێ هێته ساخكرن ژبه‌ر هه‌ر چالاكیا دڤێ رۆژێ دا دهێته كرن دێ ده‌ربرین بیت ژ پێشمه‌رگه‌ى، ئانكو پێشمه‌رگه د هه‌لبه‌ستێن ئافره‌تێ دا دێ هێنه خاندن و ئه‌و هه‌ستێن هه‌لبه‌ستڤانا ژن و گرنگیا پێشمه‌رگه‌ى د هه‌لبه‌ستێن ژنێ د.
دیسا زێده‌بارى ڤێ چه‌ندێ ژى شه‌پال خانێ گۆت: دیسا مه دڤێ چالاكیا پێكڤه نمایشا جل و به‌رگێن پێشمه‌رگه‌ى هه‌یه كو چه‌ند كچ و كور دێ ره‌نگێن جلكێن پێشمه‌رگه‌ى ب كوردى یێن ئافره‌تان و زه‌لامان هێنه نمایشكرن.
پاشى دووڤ دا ئه‌ڤین حسێن به‌رپرسا سه‌ندیكا هونه‌رمه‌ندێن كوردستانێ لقێ دهۆك دیاركر كو كو مه‌ره‌ما وان ژ ساخكرنا ڤێ رۆژێ ئه‌وه، بها و شیانێن ژنا خودان شیان و رۆلێ كچا شێوه‌كار به‌رچاڤ بكه‌ن.
