80% ژخەلکی داخوازا جلکێن لەشکەری دکەن
ل ڤێ دووماھیێ وێرەکیا پێشمەرگەیی و قارەمانیا وان بوویە ئەگەر ھەر تاکەک ھەست پێ دکەت پێشمەرگەیە، لەورا ژی بو ھەر ھەلکەفتەکا بیت ب گشتی تایبەت یێن نەتەوەیی دیسا جڤاکی و یێن جیھانی ژی وەلاتیان ب گشتی قەستا جلکێن لەشکەری کریە وەکو حەز و ڤیان و ھەست بەرپرساتیا مللەتی دکەن.
سەگڤان دۆسکی خودانێ دوکانەکا جلکێن لەشکەری یە ل بازارێ دھۆکێ بۆ ئەڤرۆ نیوز گۆت: “ژ بەر سەنگ و بھایێ پێشمەرگەیی، دیسا قەھرەمانیا وان ل چەپەران بوویە ئەگەر کو 80% داخوازی ل سەر جلکێ لەشکەری ھەبیت و د گەل ھندآ ژی یێن پێشمەرگەیی”.
سەگڤان گۆتژی: “پتریا وان زارۆنە، لێ رێژەک ژ وان ژی گەنجن، بەلێ باوەرم ل ھەیڤا داھاتی و دیسا یێن دووڤ دا پتر ژن ژی دێ داخواز کەن ژ بەر ئەو نھا دھێن و گەلەک ژ وان دکرن و دبێژن بۆ ھەلکەفتێن داخوازی ژی ل سەر ژن پتر حەز ل سەر رەنگێ جلکێن کراس و کورتەکێن لەشکری یێن پێشمەرگەیی ھەیە و گۆتن ئەڤە مودێلەکا نوویە”.
گەنجەکێ دی ل دوکانەکا دروارا جلکان بۆ ئەڤرۆ نیوز گۆت: “ل ڤی دەمی ژنان گەلەک داخوازی ل سەر درینا کراس و کورتەکێن پەرۆکێ وەکو یێ پێشمەرگەیی یە، ژ بوو بکەنە بەرخوە”.
زێدەتر گۆت: “ئەڤە مودێلەکا نوویە و جوانیەکێ د دەتە بەژن و بالا ژنێ ب تایبەت ئەو خێزانێن نەھێلن ژن جلکێ پێشمەرگەیی وەکو پەنتەرۆن ل بەر خوە بکەت، ئەوان قەستا جلکێ کوردی یێن کراس و کورتەکا کریە و ئەم بۆ د درین”.
