86 مليۆن دينار مووچێ مامۆستايێن قوتابخانه‌كێ هاتن دزين
ئه‌ڤرۆنيوز:
ژێده‌ره‌كێ رۆژنامه‌ڤانى ل پارێزگه‌ها ديالا بۆ ئه‌ڤرۆنيوز دياركر كو مووچێ قوتابخانه‌كێ ل قه‌زا خالس يا سه‌ر ب پارێزگه‌ها ديالا ڤه كو دبيته كوژمێ 86 مليۆن ديناران هاتنه دزين.
دوره‌يد ئه‌لبه‌غدادى، رۆژنامه‌ڤان ژ باژێرێ به‌عقوبه سه‌نته‌رێ پارێزگه‌ها ديالا بۆ ئه‌ڤرۆنيوز گۆت” ئه‌ڤرۆ دوشه‌مبى 30 تيرمه‌ها 2018 هژماره‌كا كه‌سێن چه‌كدار چوونه دناڤ ئاماده‌يا پيشه‌سازيا كوران ل قه‌زا خالس دا ل ده‌مێ به‌لاڤكرنا مووچێ مامۆستايێن وێ ئاماده‌يێ وده‌ست ب سه‌ر مووچێ وان مامۆستايان داگرت “
دوره‌يد دياركر” كوژمێ هاتيه دزين دگه‌هيته 86 مليۆن ديناران”.