9 جهـ ژ به‌ر پێگرينه‌كرن ب رێنمايان هاتنه دايخستن
ئه‌ڤرۆ نيوز:
قائیمقایمقا قەزا دهوكێ ئامارا هەیڤا (5) یا هژمارەكا رێڤەبەرێن پەیوەندیدار ل دور پێگرینه‌كرنا چەندین جهـ و ماركێت و جهێن بازرگانی ب رێنمایان بەلافكرن.
پشكا پولیسێن باژێرڤانى( لیژنا نەهێلانا زێدەگاڤیان) ل قائیمقامیقا قەزا دهۆكێ ئاشكرا كر د ماوێ هەیڤا (5) دا ل سنورێ قەزا دهۆكێ ب هەڤكاری ل گەل ژمارەكا رێڤەبەریێن پەیوەندیدار (9) جهـ هاتنە داێخستن ژ بەر نەپێگریا وان ب رێنمایان و دیاركر ئەڤ جهە ژ خوارنگەهـ وتاقیگەهێن نوژداری و سەمونخانە و سەرتراشخانە و وێنەگریان پێك دهێن.
د نڤێسارا پشكا پولیسێن باژێرڤانيێ دا هاتیە (28) جهـ وەكو ماركێت و جوانكاری و خوارنگەه و كازینۆ و كوگەهـ و كارگەهـ و سەرتراشخانە هاتینە ئاگەهدار كرن كو پێدڤیە سەرەدانا رێڤەبەریا خوپاراستنا ساخلەمیێ و رێڤەبەرێن شولەژێ بكەن ژ بوو دانا سزایێن خوە.
(111) نڤێسنگەهێن فروتنا كەلوپەلێن چاندنێ هاتینە ئاگەهدار كرن، دا كو سەرەدانا رێڤەبەریا گشتی یا چاندنێ بكەن ژ بوو نووكرنا مولەتێن خوە.
(22) زێدەگاڤی رێ لێ هاتینە گرتن ل ناڤ باژیری وەكو زێدەگاڤی ل سەر ئەردێ باژێرڤانیێ و چارەسەركرنا هندەك ئاریشا د ناڤ باخچەیان و نەهێلانا فروتنا فێقی و ماسیا د ناڤ ترۆمبێلان ل سەر جادەیان و ل جهێن نەگونجای.
دەربارەی رێڤەبەریا نەفت و كانزایان هوبا كونترولا جوری ل ماوێ هەیڤا بوری دا شیایە (44) ویستگەهێن بەرهەمێن سوتەمەنیا ب گوژمەیێن جودا سزا بدەن و(4) ژی بهێنە داێخستن و(21) ویستگەهـ ژى بهێنه هايداركرن.
