كومپانیا كوره‌ك تیلیكوم ژ پێنج پارێزگه‌هێن عیراقێ ڤه‌كێشا
ئه‌ڤرۆ نیوز ، هلورى:
كومپانیا كوره‌ك بو خزمه‌تێن په‌یوه‌ندیان كارێن خوه ل پێنج پارێزگه‌هێن عیراقێ ڤه‌كێشا ، ئه‌ڤه د ده‌مه‌كێ دایه كو شه‌ڤا بورى باره‌گایێ كوره‌ك ل حله هاته ته‌قاندن و نه‌هـ فه‌رمانبه‌رێن وێ ژى هاتنه ره‌ڤاندن.
كومپانیا كوره‌ك د راگه‌هاندنه‌كێ دا دیاركر كو باره‌گایێ سه‌ره‌كیێ كومپانیا كوره‌ك ل باژێرێ بابل توشى هێرشه‌كا تیرورستى بوویه و چوار ترومبێلێن ته‌ژى چه‌كدار ب سه‌ر باره‌گایێ وان دا گرتیه و زیانێن زور ب وان گه‌هاندینه ، ئه‌ڤه سه‌ره‌راى كو ئه‌ندازیاره‌ك و هه‌شت كارمه‌ندێن دن یێن ره‌ڤاندى و باره‌گاژى هاتیه ته‌قاندن ، و ژبه‌رڤێ كوره‌ك ژى دێ كارێن خوه ل پارێزگه‌هێن كه‌ربه‌لا و نه‌جه‌ف و دیوانیه و سه‌ماو و بابل ڤه‌كێشیت.
د راگه‌هاندنا وان دا زێده‌تر هاتیه: ( بو ب رێڤه‌چوونا رێورسمێن عاشورایێ ده‌هان كه‌سان هێلا كوره‌ك بكاردئینا ، ئه‌م وه‌كو كوره‌ك دێ پێراپونێن قانونى گرینه به‌ر و دوسیه‌ژى دێ ب ڤه‌كرى هێته هێلان)
