91 هزار دۆنه‌مێن ئه‌ردی هاتینه سووتن
ئه‌ڤرۆ نیۆز، قائید میرۆ
ب تنێ د ده‌مێ هه‌یڤه‌كێ دا، 91 هزار دۆنه‌مێن ئه‌ردی یێن پوش و پاوانی و ده‌خلی هاتینه سووتن و په‌یڤدارێ ده‌سته‌یا ژینگه‌ها هه‌رێما كوردستانێ ژی ئاماژه ب وێ چه‌ندێ كر، سووتنا ئه‌ردی زیانێن مه‌زن هه‌نه بۆ هه‌رێما كوردستانێ.
لوقمان شێروانی، په‌یڤدارێ ده‌سته‌یا ژینگه‌ها هه‌رێمێ ب ئه‌ڤرۆ نیۆز راگه‌هاند” ب ئه‌گه‌رێن جۆدایێن ئاگر به‌ربوونێ ل هه‌یڤا ئه‌یارێ هه‌تا نوكه 91 هزار دۆنه‌مێن ئه‌ردی ل هه‌رێما كوردستانێ هاتینه سووتن ژوانا 155 دۆنم ل دهۆكێ و 3ێ دۆنم ل ئاكرێ و ل سلێمانی و هه‌له‌بجه 90574 دۆنم و ل سۆران 12 دۆنم و 535 دۆنم ل گه‌رمیان و ل راپه‌ڕین 30دۆنم و بشێوه‌یه‌كێ گشتی 91 هزار دۆنه‌م هاتینه سووتن”.
شێروانی گۆتژی” زیانێن مه‌زن گه‌هشتینه هه‌رێما كوردستانێ ب ئه‌گه‌رێ روویدانێن ئاگری و پێكهاتا ئه‌ردی وه‌كی خوه نامینیت و هه‌موو گیانه‌وه‌ریش دهێنه ژناڤبرن، مفا ژ ئه‌ردێ سووتی ناهێته وه‌رگرتن و دبیته ئه‌گه‌رێ كێمبوونا ئاڤا بن ئه‌ردی.
