جڤاتا نوونه‌رێن عيراقێ دخوازيت بڕياره‌كێ دژى كوردستانێ بده‌ت
ئه‌ڤرۆ نيوز:
چه‌ند نوونه‌رێن جڤاتا نوونه‌رێن عيراقێ داخواز دكه‌ن كو دووباره ده‌نگ ل سه‌ر وێ بڕياڕێ بهێته دان كو ژ جڤاتا نوونه‌رێن عيراقێ ده‌ركه‌فتيه بۆ داخستنا سنورێن ده‌رڤه‌ى ده‌سته‌لاتا حوكمه‌تا فيدرال.
14 نوونه‌رێن جڤاتا نوونه‌ران داخوازێ ژ جڤاتێ دكه‌ن كو دووباره ده‌نگى ل سه‌ر بڕگا 10 يا بڕيارا رۆژا 25ى ئيلۆنێ بده‌ن كو تێدا هاتيه: “پێدڤيه ئه‌و ده‌رگه‌هێن سنورى يێن ژ ده‌رڤه كۆنترۆلا حوكمه‌تا فيدرال بهێنه داخستن، ئه‌و كه‌لوپه‌لێن ل وێرێ ژى بهێنه ڤه‌گه‌راندن و ب قاچاخ بهێنه هژمارتن”.
ئه‌و په‌رله‌مانتارێن ئيمزا ل سه‌ر داخوازيان كرين ئه‌گه‌رێ داخوازيێ روون دكه‌ن و دبێژن: “ئه‌ڤ بڕياره دێ بيته ئه‌گه‌رێ سه‌پاندنا دوورپێچێ ب سه‌ر گه‌لێ عيراقێ و سزايه‌كێ گشتى يێ گه‌لێ عيراقێ يه ل كوردستانێ كو تاوانبار نينن”.
