فوئاد مه‌عسووم هۆشداريێ ده‌دته عه‌بادى
ئه‌ڤرۆنيوز:
سه‌رۆك كۆمارێ عيراقێ هۆشداريێ ده‌دته عه‌بادى، هه‌كه دانوستاندنان ل گه‌ل هه‌رێما كوردستانێ ره‌ت بكه‌ت، ورادگه‌هينيت، باجا ره‌تكرنا دانوستاندنان دێ يا گران بيت و عه‌بادى نه‌شێت قه‌وارێ هه‌رێما كوردستانێ بچووك بكه‌ت.
فوئاد مه‌عسووم، سه‌رۆك كۆمارێ عيراقێ،دداخۆيانيه‌كا رۆژنامه‌ڤانيدا، ئه‌ڤرۆ دوشه‌مبى 25/12/2017، راگه‌هاند كو بزاڤێن وى بۆ ده‌ستپێكرنا دانوستاندنان دناڤبه‌را به‌غدا وهه‌ولێرێ دا دبه‌رده‌وامن ودو نامه ئاراسته‌ى هه‌ر ئێك ژ نێچيرڤان بارزانى سه‌رۆك وه‌زيرێن هه‌رێما كوردستانێ وحه‌يده‌ر عه‌بادى سه‌رۆك وه‌زيرێن عيراقێ هنارتينه، به‌لێ هه‌تا نوكه به‌رسڤا وان وه‌رنه‌گرتيه.
مه‌عسوومى ئاماژه دا كو هه‌موو لايه‌نين سياسى ل ده‌ستپێكێ دژى ريفراندۆمێ بوون، به‌لێ پتى بريارا دادگه‌ها فيدرالى، هه‌موو لايه‌ن داخوازا ده‌ستپێكرنا دانوستاندنان دكه‌ن وچو لايه‌نه‌ك ژى نينه وێ چه‌ندێ ره‌ت بكه‌ت.
دياركر ژى، ره‌تكرنا دانوستاندنێ دێ باجه‌كا گران بۆ هه‌بيت وعه‌بادى نه‌شێت ژێ ب ره‌ڤيت، چونكى فشاره‌كا ناڤخوه‌يى ونێڤده‌وله‌تى يا مه‌زن ل سه‌ر وى دروست بوويه وگۆت” عه‌بادى نه‌شێت قه‌واره وكيانێ هه‌رێما كوردستانێ بچووك بكه‌ت”.
