حه‌كیم ژ پوستێ راهێنه‌ریا هه‌لبژارتیێ عیراقێ هاته دورخستن
ئه‌ڤرۆ نیوز، هه‌ژار مه‌عروف:
ئێكه‌تیا ته‌پا پێ یا عیراقێ د كومبوونا خوه یا ئه‌ڤرۆ دا ل باژێرێ به‌غدا دیاركر ئه‌وان ده‌ست ژ ده‌سته‌یا راهێنه‌ریا هه‌لبژارتیێ عیراقێ به‌ردا پشتى ئه‌وان ئه‌نجامێن لاواز د قاره‌مانیا كه‌نداڤى یا ڤێ دووماهیێ ل وه‌لاتێ سعودیه توماركرین.
ژێده‌ره‌كێ نێزیك ژ ئێكه‌تیا ته‌پا پێ یا عیراقى د داخویانیه‌كێ دا بۆ مالپه‌رێ ئه‌ڤرۆ نیوز دیاركر ئه‌ڤرۆ هه‌موو ئه‌ندامێن ئێكه‌تیا ته‌پا پێ گه‌هشتنه وێ باوه‌ریێ راهێنه‌رێ نوكه یێ هه‌لبژارتیێ عیراقێ حه‌كیم شاكر ژ پوستێ وى بهێته دورخستن و لێگه‌ریانا راهێنه‌ره‌كى نووى ل جهێ وى بكه‌ن .
ئه‌وى ژێده‌رى ئه‌و چه‌نده ژى دیاركر دبیت ل جهێ حه‌كیم شاكر راهێنه‌رێ یانا قه‌ته‌ر یا قه‌ته‌رى رازى شنێشل بهێته ده‌ست نیشانكرن یان بورا یێ سربى.