جل و بەرگێن زڤستانێ ل سەر 450 ئێتیم و کێم ئەندامێن ئاوارە تێن بەلاڤکرن
ئەڤرۆ نیۆز، ئەمیر ئەترووشی
سەرۆکێ رێکخراوا ئەلند بۆ دیمۆکراسیکرنا خێزانێ راگەھاند، رێکخراوا وان ب ھەڤکاری ل گەل رەڤەندا کورد ل وەلاتێ سوید رابوویە ب بەلاڤکرنا جل و بەرگ و پێدڤیێن زڤستانێ ل سەر 450 ئێتیم و کێم ئەندامێن ئاوارە ل ناحیا فەیدیێ ب سەر قەزا سێمێلێ ڤە.
شێرزاد پیرمۆس، سەرۆکێ رێکخراوا ئەلند بۆ دیمۆکراسیکرنا خێزانێ، بۆ ئەڤرۆنیۆز دیارکر، رێکخراوا وان ب ھەڤکاری ل گەل رەڤەندا کورد ل وەلاتێ سوید ئەڤە ماوێ ھەیڤەکێ نە کار د بەلاڤکرنا جل و بەرگ و پێدڤیێن زڤستانێ دا دکەن ل سەر وان ئاوارە و خێزانێن ل ناحیا فەیدیێ دئاکنجی و 450 خێزان دێ ژ ڤی پرۆژەی دمفاداربن.
پیرمۆس ئاشکراژی کر، بەری ڤێ چالاکیێ ژی مە وەکو رێکخراوا ئەلند ب ھەڤکاری ل گەل رێکخراوا (UNFPA) ل گۆرەی پرۆگرامێ رەوشەنبیرکرنا سنێل و گەنجان، خۆلەکا 25 رۆژی بۆ گەنجێن دەڤەرا شاریا ڤەکر و سێ رۆژان ڤەکێشا بوو.
