هەکە تە شووکر دێ چ د ژیانا تەدا هێتە گوهۆرین!
ئەڤرۆ نیوز ، زنار تۆڤی:
هەکە تۆ بووكەکا تازه بی،دی هه‌ست پێکەی کو هندەك تشت د ژیانا تە یا نوکە دا ته‌مام د جیاوازن،لەورا پێدڤیە تۆ ژ هندێ یا دل رحەت بی،کو دێ ماوێ دەستپێکا ژیانا تە یا هەڤژینیێ یا گران بیت،بۆ هندێ کو تۆ د هەڤژینیا خوە دا یا سەرکەفتی بی،دڤێت ب باشترین شێوه خوە ل گەل ب بورینی.
ئه‌و كێشه و گوهۆرین چنە،کو د ژیانا تە دا روو ددەن؟ چاوا دێ خوە ل بەرگری و مامه‌لێ ل گه‌لدا کەی؟.
بێده‌نگی:ل سه‌ر ده‌مێ پەیوه‌ندیا حەز ژێکرنێ و ده‌زگریێ دا،مێرێ تە گەلەک ئاخفتن ل گه‌ل تە دکرن و دەمێ خوە هەموو د داتە، به‌لێ نوکە وەسا نینه،پتریا دەمێ خوە ب بێده‌نگی د بورینیت، ئه‌ڤێ نەكه کێشه‌کا مەزن ل سه‌ر خوە، چونكی‌ب گشتی زەلام حه‌ز د‌كه‌ن كێم باخڤن،ب تنێ دێ وان گوتنان بێژن یێن گرنگ،هەروەسا نوکە ژیانا وی ل گه‌ل تەیه و ل هه‌موو تشتێن تە یێن رۆژانه یێ دلنیا و ئاگەهداره،دیسا ب پێدڤی نزانیت گەلەک پرسیاران ژ تە بكەت.
ره‌فتارێن وی د جیاوازن: تۆ ئێکی ژ وان كه‌سان کو تۆ حه‌ز د‌كه‌ی ل سپێدەهیان زوو ژخه‌و رابی و دەمەکێ زۆرتر پێکڤە ببەنە سه‌ر،لێ ئه‌و دێ ژ ڤێ ژوورێ بۆ ژوورا دیتر چیت،داکو پیچەکێ زێدەتر بنڤیت، ئه‌ڤەژی دێ بیته جهێ خه‌م خوارنێ بۆتە،تۆ وەسا هزر دکەی کو تۆ ل دەف وی نە یا گرنگی،لەورا تۆ هه‌ر یا مژۆلی بەختەوەریا مێشكێ خۆی،نه‌خێر بێگومان ئه‌ڤ بیركرنا تە یا خەلەتە، پێدڤیه ئه‌ڤێ باش بێخیە مێشكێ خوە،ب تنێ هەکە ب ته‌مامی شێوازێ ژیان و رەفتارێن هەوە وه‌ك ئێک بن، هێشتا هندەک تشتێن تایبه‌ت وە هه‌نه،کو پێدڤی ناكەت وه‌ك ئێك لێ بكه‌ن، باشتره هزر ل وان تشتان بكه‌ی،کو ژ‌به‌ر خاترا تە دکەت، نه‌كو تشتێن وەسا بێ مەعنا.
پاره دبیته كێشه:دبیت ل مالا بابێ تە چو جاران كه‌سێ لێ پرسین ل سه‌ر خەرجکرنا پارەی ل گەل تە نەکربیت، یان ژی هەکە تۆ مووچه‌خۆر بی، كه‌سێ نە گوت بیتە تە تۆ پارێن خوە چو لێ دکەی؟،بەلێ ژ نوکە وێڤە وەسا نینە، پێدڤیە وە هه‌ردویان ئاگەهداری ل پارەی و مالێ ئێکودۆ هەبیت،وەسا باشترە کو هوون هه‌ردو سنوورەکێ بۆ خەرجکرنا پاران بدانن و هەوە ئاگەه ژ خەرجکرنا پارێ ئێکودۆ هەبیت.
