قۆتابیێن زانکۆیا دھۆک ب جلکێن پێشمەرگەی دەوام کر
ئه‌ڤرۆ:
ھاریکارێ راگرێ کۆلیژا پەروەردا بنیات و دەروونناسی دیار کر وەکو رێزگرتن و ھەڤھەلویستی ل گەل پێشمەرگەی ھزر کر کو ب جلکێن پێشمەرگەی دەوامێ بکەن.
مامۆستا زنار ھاریکارێ راگرێ کۆلیژا پەروەردا بنیات و دەروونناسی بۆ ئەڤرۆ گۆت “ئەم و ئێکەتیا قۆتابیێن کوردستانێ لیژنا سکولا پەروەردە بنیات و دەروونناسی رێکەفتین کو 1\12 بکەینە رۆژا جلکێن پێشمەرگەی و سەرۆکاتیا زانکۆیێ ژی داخوازیا مە بەرچاڤ وەرگرت”.
ھاریکارێ راگرێ کۆلیژا پەروەردا بنیات خویا ژی کو ل وێ رۆژێ قوتابیێن وان ب جلکێن پێشمەرگەی خرڤەبوون و ب سروودا ئەی رەقیب دەست پێ کر و ھندەک چالاکی ھاتنە ئەنجامدان.
ژ ئالیێ خوە ڤە نەواس بەرپرسێ ئێکەتیا قوتابیان ل سکولا پەروەردا بنیات و دەروونناسی گۆت “ئەم دەستپێشخەر بووین بۆ ڤی کاری و مەحەز دکر ب کریار دگەل پێشمەرگەی بین، لێ ژبەر خواندنێ ئەم نەشیاین ل وێرێ بەرھەڤ بین، لەورا مە جلکێن پێشمەرگەی کرینە بەرخوە و ھیڤیدارین پەرلەمانێ ھەرێمێ ڤێ رۆژی بکەتە رۆژا جلکێن پیشمەرگەی”.